Gerhard Schröder
Berlín. AP. | Gerhard Schröder sætir nú harðri gagnrýni í Þýskalandi fyrir að hafa tekið að sér að stýra gasverkefni sem hann sjálfur samdi um við Vladímír Pútín Rússlandsforseta skömmu áður en hann lét af kanslaraembætti í Þýskalandi.
Berlín. AP. | Gerhard Schröder sætir nú harðri gagnrýni í Þýskalandi fyrir að hafa tekið að sér að stýra gasverkefni sem hann sjálfur samdi um við Vladímír Pútín Rússlandsforseta skömmu áður en hann lét af kanslaraembætti í Þýskalandi. "Það er skítalykt af þessu," sagði Reinhard Bütikofer, formaður flokks græningja, en þeir áttu í stjórnarsamstarfi við Jafnaðarmannaflokk Schröders þar til nú í haust.
Gagnrýnin á hendur Schröder víkur að því að hann kunni nú að hagnast fjárhagslega á verkefni sem hann sjálfur ýtti úr vör sem kanslari. Um er að ræða stjórnarformennsku hjá hópi orkufyrirtækja, undir forystu rússneska gasrisans Gazprom, sem leggja mun gasleiðslu milli Rússlands og Þýskalands.
Til baka
Leita í greinasafni
Prenta grein
