Hjördís Halldórsdóttir
Hjördís Halldórsdóttir
[ Smellið til að sjá stærri mynd ]
NÝLEGA bættust þrír lögmenn við eigendahóp Logos lögmannsþjónustu. Bjarnfreður Ólafsson er lögfræðingur frá Háskóla Íslands 1993 og héraðsdómslögmaður frá 1996. Hann stundaði framhaldsnám við University of Miami, School of Law í Coral Gables í Flórída.

NÝLEGA bættust þrír lögmenn við eigendahóp Logos lögmannsþjónustu.

Bjarnfreður Ólafsson er lögfræðingur frá Háskóla Íslands 1993 og héraðsdómslögmaður frá 1996. Hann stundaði framhaldsnám við University of Miami, School of Law í Coral Gables í Flórída. Lauk meistaranámi í samanburðarlögfræði 1997 og lagði stund á alþjóðlega viðskiptafræði í Nova Southeastern University 1997-1998.

Bjarnferður starfaði hjá Taxis lögmönnum frá 1999 þar til hann gekk til liðs við Logos. Áður starfaði hann hjá Lögum ehf. og Ríkisskattsjóra þar sem hann var deildarstjóri 1993-1996.

Hjá Logos mun Bjarnfreður veita nýju skattasviði forstöðu og starfa við skattarétt, félagarétt, samruna og yfirtökur.

Hjördís Halldórsdóttir er lögfræðingur frá Háskóla Íslands 1998 og héraðsdómslögmaður 1999 og stundaði framhaldsnám við háskólann í Stokkhólmi. Hún lauk meistaranámi í lögum og upplýsingatækni 2003. Hjördís var hjá landbúnaðarráðuneytinu 1998-1999, hjá A&P lögmönnum 1999 og hjá Logos lögmannsþjónustu frá árinu 2000 . Hún hefur verið stundakennari við lagadeild Háskóla Íslands frá 2001.

Hjördís starfar við upplýsingatæknirétt, höfundarétt, kauparétt, útboð og opinber innkaup.

Guðmundur J. Oddsson er lögfræðingur frá Háskóla Íslands 1999 og stundaði laganám við Háskólann í Osló 1999. Hann varð héraðsdómslögmaður 2000, og löggiltur verðbréfamiðlari 2001. Guðmundur starfaði hjá A&P Lögmönnum 1999, hjá Logos lögmannsþjónustu 2000-2003 og Actavis Group 2004-2005. Hann var stundakennari við lagadeild Háskóla Íslands frá 2001 og við lagadeild Háskólans í Reykjavík frá 2004.

Guðmundur veitir skrifstofu Logos lögmannsþjónustu í London forstöðu og starfar við samruna og yfirtökur, fjármagnanir, félagarétt, verðbréfa- og kauphallarrétt og samningarétt.