Berg fasteignasala er með í sölu glæsilegt, tveggja hæða 236,6 fermetra einbýlishús auk 26,8 fm bílskúrs á Melabraut 17 á Seltjarnarnesi. Ásett verð er 62,9 millj. kr.
Berg fasteignasala er með í sölu glæsilegt, tveggja hæða 236,6 fermetra einbýlishús auk 26,8 fm bílskúrs á Melabraut 17 á Seltjarnarnesi. Ásett verð er 62,9 millj. kr.
[ Smellið til að sjá stærri mynd ]
Seltjarnarnes - Berg fasteignasala er með í sölu glæsilegt, tveggja hæða 236,6 fermetra einbýlishús auk 26,8 fm bílskúrs á Melabraut 17 á Seltjarnarnesi. "Þetta er eign á fallegum stað með góðu útsýni," segir Grétar J. Stephensen hjá Bergi.

Seltjarnarnes - Berg fasteignasala er með í sölu glæsilegt, tveggja hæða 236,6 fermetra einbýlishús auk 26,8 fm bílskúrs á Melabraut 17 á Seltjarnarnesi. "Þetta er eign á fallegum stað með góðu útsýni," segir Grétar J. Stephensen hjá Bergi.

Komið er inn í flísalagt anddyri. Þaðan er gengið inn í hol, parketlagt með gegnheilli hnotu. Í holi er gert ráð fyrir litlu gestasalerni. Þar er lítið parketlagt vinnuherbergi og góður innfelldur fataskápur. Úr holi er gengið inn í fallega stofu og borðstofu með gegnheilli hnotu á gólfum og svipmiklum loftlistum. Úr borðstofu er gengið út á góðar svalir með fallegu útsýni. Af svölum er gengið niður steyptar tröppur í mjög fallegan garð. Úr borðstofu er gengið inn í glæsilegt eldhús með flísum á gólfi og nýrri og fallegri innréttingu. Borðplata úr gegnheilu mahoníi. Flísar eru milli efri og neðri skápa. Uppþvottavél er innfelld í innréttingu. Gaseldavél, ofn og háfur úr burstuðu stáli. Úr eldhúsi er afar fallegt útsýni.

Steyptar tröppur sem skilast parketlagðar liggja upp á efri hæð. Í stigagangi er fallegur gluggi með frönsku gleri. Á hæðinni er sjónvarpsstofa parketlögð með rauðri eik. Ennfremur tvö parketlögð barnaherbergi með góðum skápum. Auk þess mjög rúmgott, parketlagt hjónaherbergi með útgengi út á litlar svalir með fallegu útsýni. Á hæðinni er líka glæsilegt baðherbergi sem er flísalagt í hólf og gólf. Þar er hornbaðkar með nuddi og lýsingu og upphengt salerni.

Úr holi er gengið í kjallara með þvottaherbergi og stórri geymslu með glugga sem getur nýst sem herbergi. Í kjallara er líka tveggja herbergja íbúð með sérinngangi. Í opnu rými er stofa og eldhús. Parket er á gólfi, lítil hvít eldhúsinnrétting og ný eldavél. Ennfremur gott teppalagt svefnherbergi með skápum. Inn af svefnherbergi er baðherbergi með flísum á gólfi og sturtuklefa.

Bílskúrinn er með steyptri innkeyrslu. Í hann hefur verið lagt fyrir rafmagni, heitu og köldu vatni. Garðurinn er 800 fm eignarlóð og í mjög góðri rækt. Í honum er lítill trékofi.

Húsið hefur verið tekið í gegn að stórum hluta. Meðal annars hefur verið lagt fyrir rafmagn ásamt töflu, gólfefni er nýtt, innréttingar, tæki og fleira.

"Þetta er einstaklega virðulegt hús með mjög fallegum byggingarstíl og góðu útsýni, eign fyrir vandláta," segir Grétar.

Ásett verð er 62,9 millj. k r.