26. nóvember 2006 | Innlendar fréttir | 174 orð

Búri ekki allur þar sem hann var séður

HELLIRINN Búri í Leitahrauni fannst árið 1992 og var þá talinn um 40 metra langur. Í maí árið 2005 tókst að opna ný göng og kom þá í ljós að hellirinn er 980 metrar að lengd.
HELLIRINN Búri í Leitahrauni fannst árið 1992 og var þá talinn um 40 metra langur. Í maí árið 2005 tókst að opna ný göng og kom þá í ljós að hellirinn er 980 metrar að lengd. Þetta kemur fram í tveggja binda bók Björns Hróarssonar, jarð- og hellafræðings, sem kom út í vikunni.

Þar segir að 13. júní 1992 hafi Guðmundur Brynjar Þorsteinsson, reyndur hellamaður, fundið og heimsótt niðurfallið sem Búri, eins og hann nefndi hellinn, gengur út frá. Upp úr niðurfallinu gengur um 40 m langur og mjög hruninn hellir en til suðurs varnaði stórgrýti allri för. Rúmum tveimur árum síðar fór hann aftur og hóf þá að forfæra grjótið, en náði ekki að ljúka verkinu.

Árin liðu og ekkert var aðhafst þar til hellafiðringurinn gerði vart við sig hjá Birni í maí 2005. Eftir að hafa ráðfært sig við Guðmund Brynjar fór hann með fylgdarliði í leit að niðurfallinu. Þegar þeir fundu gjótu Guðmundar Brynjars stakk Björn sér ofan í "og við blasti mikill salur og í honum tignarlegar ísmyndanir". | 66

Aðgangsupplýsingar

Notandi:Þú ert ekki innskráð(ur).
Greinin: Þessi grein er ókeypis þar sem hún er eldri en þriggja ára.
Morgunblaðið - fyrsta forsíðan

Morgunblaðið hjá Landsbókasafni

Á vefnum timarit.is er að finna stafrænt safn Landsbókasafns yfir helstu dagblöð og tímarit landsins. Þetta er eina leiðin til að leita að efni úr Morgunblaðinu frá því fyrir 1986.