— Morgunblaðið/Sverrir
STJÓRN Verðlaunasjóðs Ásu Guðmundsdóttur Wright veitti í gær dr. Steinari Þór Guðlaugssyni jarðeðlisfræðingi heiðursverðlaun fyrir árið 2006. Verðlaunin hlýtur Steinar Þór fyrir margþættar rannsóknir á landgrunni Íslendinga.

STJÓRN Verðlaunasjóðs Ásu Guðmundsdóttur Wright veitti í gær dr. Steinari Þór Guðlaugssyni jarðeðlisfræðingi heiðursverðlaun fyrir árið 2006. Verðlaunin hlýtur Steinar Þór fyrir margþættar rannsóknir á landgrunni Íslendinga. Í umsögn stjórnar sjóðsins segir m.a. að Steinar sé afkastamikill fræðimaður. Hann eigi að baki glæstan feril sem vísindamaður og hafi jafnframt sýnt góða færni í að miðla þekkingu sinni til annarra. Hann hafi mótað rannsóknir á landgrunni Íslendinga og stýrt verkefnum þar af einstakri kunnáttu og framsýni sem líkleg sé til að skila þjóðinni stórum landvinningum.

Á myndinni má sjá verðlaunahafann (t.h.) ásamt dr. Sturlu Friðrikssyni, formanni stjórnar sjóðsins.