Hljómsveitin Roðlaust og beinlaust sendi frá sér nýjan geisladisk í sumar, Sjómannasöngva, sem hefur að geyma 14 sjómannasöngva frá ýmsum tímum.

Hljómsveitin Roðlaust og beinlaust sendi frá sér nýjan geisladisk í sumar, Sjómannasöngva, sem hefur að geyma 14 sjómannasöngva frá ýmsum tímum. Þetta er þriðji geisladiskur hljómsveitarinnar en áður hafa komið út diskarnir Bráðabirgðalög (2001) og Brælublús (2003).

Hljómsveitin Roðlaust og beinlaust er að stórum hluta skipuð áhöfninni á frystitogaranum Kleifaberg ÓF-2 frá Ólafsfirði, þaðan sem hún á rætur sínar að rekja. Roðlaust og beinlaust hafa frá upphafi stutt björgunar- og slysavarnarmál sjómanna með sölu á diskum sínum en allur ágóði af sölu þeirra hefur runnið til slíkra mála. Nk. laugardag ætlar Mogomusic ehf. og hljómsveitin Roðlaust og beinlaust að afhenda Slysavarnaskóla sjómanna ávísun upp á 1.300.000 milljónir króna. Afhendingin verður um borð í Kleifaberginu og hefst kl. 14. Þar ætlar hljómsveitin að taka lagið og margt annað verður til skemmtunar.