BRIDS - Guðmundur Páll Arnarson | ritstjorn@mbl.is

Reykjavíkurmótið.

Suður spilar 7♠.

Sagt er um laufkónginn að hann sé blankari en aðrir kóngar – einkum þegar mikið liggur við. Þeir sagnhafar í Reykjavíkurmótinu sem spiluðu sjö spaða (og þeir voru nokkrir) geisluðu þó ekki af bjartsýni þegar þeir hófu verkið. Þrír slagir í blindum og engin innkoma. Aleina vinningsvonin lá í stökum laufkóng, en líkur á slíkri draumalegu eru 2,4% (að minnsta kosti hvað aðra kónga varðar!) Einn sagnhafi trúði ekki heppni sinni þegar hann fékk út lauf. Hann lét drottninguna og austur kónginn. Sagnhafi snardrap með ásnum, tók trompin, ÁK í hjarta og lagði upp. Benti svo austri á að það hefði verið betri vörn að dúkka fyrsta slaginn. "Ef ég hefði getað það," svaraði austur þurrlega.