Handsal Elín Sigfúsdóttir, framkvæmdastjóri fyrirtækjasviðs Landsbankans, og Jón Ásbergsson, forstjóri Útflutningsráðs, handsala samninginn en skv. honum styrkir bankinn tvö verkefni ráðsins. Guðmundur P. Davíðsson (t.v.) forstöðumaður á fyrirtækjasviði Landsbankans og Hermann Ottósson, forstöðumaður fræðslu- og ráðgjafarsviðs Útflutningsráðs fylgjast með.
Handsal Elín Sigfúsdóttir, framkvæmdastjóri fyrirtækjasviðs Landsbankans, og Jón Ásbergsson, forstjóri Útflutningsráðs, handsala samninginn en skv. honum styrkir bankinn tvö verkefni ráðsins. Guðmundur P. Davíðsson (t.v.) forstöðumaður á fyrirtækjasviði Landsbankans og Hermann Ottósson, forstöðumaður fræðslu- og ráðgjafarsviðs Útflutningsráðs fylgjast með.
LANDSBANKINN mun á næstu þremur árum veita alls 3,6 milljónir króna til tveggja fræðsluverkefna á vegum Útflutningsráðs og var samkomulag þess efnis undirritað í gær.

LANDSBANKINN mun á næstu þremur árum veita alls 3,6 milljónir króna til tveggja fræðsluverkefna á vegum Útflutningsráðs og var samkomulag þess efnis undirritað í gær.

Í fréttatilkynningu Landsbankans kemur fram að annars vegar veitir bankinn 1,8 milljónir króna á árunum 2007–9 til þróunarverkefnisins Hagvöxtur á heimaslóð en verkefnið snýst um að auka samstarf á milli ferðaþjónustufyrirtækja á landsbyggðinni. Verkefnið hafi nú þegar gefið góða raun á Vestfjörðum, Vesturlandi og Norðurlandi og er ætlunin að færa það yfir á Suður- og Suðausturland.

Hins vegar styrkir bankinn verkefnið Útflutningsaukning og hagvöxtur um jafnháa upphæð á tímabilinu, en verkefnið hefur verið á dagskrá Útflutningsráðs í 17 ár og miðar að því að þróa viðskiptahugmyndir um útflutning á vöru og þjónustu. Fjölmörg fyrirtæki hafa orðið til í gegnum þetta gamalgróna verkefni, þ. á m. stórfyrirtækin Össur og Bakkavör.

"Landsbankinn og Útflutningsráð telja mikilvægt að við fræðslu og ráðgjöf sé lögð áhersla á gott skipulag fjármála er varðar m.a. fjármögnun útflutnings, gjaldeyrisviðskipti og áhættustýringu. Með því að taka höndum saman um fræðsluverkefnin vilja þessir aðilar fylgja þessum áherslum eftir," segir þar m.a.