MIKIL gróska er í starfsemi Þjóðminjasafns Íslands sem gestir eru mjög ánægðir með, samkvæmt nýlegri könnun. Þjóðminjasafnið fékk nýlega arf frá breskum velunnara safnsins, Philip Verall.
MIKIL gróska er í starfsemi Þjóðminjasafns Íslands sem gestir eru mjög ánægðir með, samkvæmt nýlegri könnun.

Þjóðminjasafnið fékk nýlega arf frá breskum velunnara safnsins, Philip Verall. Um er að ræða háa upphæð, um 80 milljónir króna, sem að sögn Margrétar Hallgrímsdóttur þjóðminjavarðar verður notuð til að kosta vandaðar sýningar og tilheyrandi útgáfu þannig að gestir safnsins geti notið góðs af.

Stofnaður hefur verið minningarsjóður Verall af þessu tilefni.

Þjóðminjasafnið hefur einnig gert samninga við Svía um afhendingu á 800 íslenskum gripum sem safnað var hér á landi á 19. öld og safnið fær í haust til framtíðarvarðveislu. Þessir endurheimtu munir verða sýndir í Bogasal á næsta ári.

Frá ýmsu öðru merkilegu í sambandi við starfsemi safnsins og þjóðminjavörslu segir Margrét í viðtali sem birtist hér í blaðinu í dag. Þar koma einnig fram áherslur hennar í safnastarfi og skoðanir, t.d. í sambandi við húsin sem brunnu í Austurstræti. | 42