27. maí 2007 | Innlendar fréttir | 263 orð | 1 mynd

Kirkjan þarf að breytast

Varpað er fram þeirri spurningu hvort þjóðkirkjan eigi að leyfa hjónaband samkynhneigðra í meistararitgerð við guðfræðideild Háskólans og svarað játandi

Hjónaband Séra Bjarni Karlsson, sóknarprestur í Laugarneskirkju.
Hjónaband Séra Bjarni Karlsson, sóknarprestur í Laugarneskirkju. — Morgunblaðið/G.Rúnar
Eftir Ingu Rún Sigurðardóttur ingarun@mbl.is Á ÍSLENSKA þjóðkirkjan að leyfa hjónaband samkynhneigðra?
Eftir Ingu Rún Sigurðardóttur

ingarun@mbl.is

Á ÍSLENSKA þjóðkirkjan að leyfa hjónaband samkynhneigðra? er spurning sem séra Bjarni Karlsson spyr í meistararitgerð sem hann vinnur nú að við guðfræðideild Háskóla Íslands en hann er í námsleyfi frá störfum sínum sem sóknarprestur í Laugarneskirkju. Hann svarar spurningunni játandi og færir fyrir því sterk rök.

Í viðtali í Morgunblaðinu í dag segir hann m.a. að kirkjan verði að vera öruggur staður og segja satt til að gegna hlutverki sínu sem þjóðkirkja. "Þess vegna má ekki lengur skrifa kynlífssiðfræði í nafni kristinnar trúar út frá stjórnunarsjónarmiðum. Tíðarandinn er að breytast og guðfræðin þarf að breytast með og svara nýjum spurningum sem snúa fremur að inntaki samskipta en formi þeirra," segir Bjarni sem hefði viljað sjá kirkjuna hafa meira frumkvæði. "Við verðum að taka þetta skref, að leyfa hjónaband samkynhneigðra. Gagnkynhneigðarhyggjan, sem skilgreinir heilu hópana til hliðar við samfélagið, er búin að kosta svo mörg mannslíf, fórnir og þjáningu. Karlaveldiskerfið er útbreiddasta valdakerfi veraldarinnar og þegar dýpst er skoðað er það rekið áfram af óttanum við dauðann. Það er ekki til erfiðari óvinur. Kristin hefð á allt það sem svarar þessu. Þess vegna er það svo mikil fölsun þegar menn leyfa sér að tengja þvingandi hugmyndir sem niðurlægja fólk og gera manneskjur framandi hverja annarri við trúarsetningar kirkjunnar." | 36

Í hnotskurn
» Tíðarandinn er að breytast og guðfræðin þarf að breytast með og svara nýjum spurningum.
» Við verðum að taka þetta skref, að leyfa hjónaband samkynhneigðra.
» Karlaveldiskerfið er útbreiddasta valdakerfi veraldarinnar og þegar dýpst er skoðað er það er rekið áfram af óttanum við dauðann.

Fletta í greinum frá þessum degi

Aðgangsupplýsingar

Notandi:Þú ert ekki innskráð(ur).
Greinin: Þessi grein er ókeypis þar sem hún er eldri en þriggja ára.
Morgunblaðið - fyrsta forsíðan

Morgunblaðið hjá Landsbókasafni

Á vefnum timarit.is er að finna stafrænt safn Landsbókasafns yfir helstu dagblöð og tímarit landsins. Þetta er eina leiðin til að leita að efni úr Morgunblaðinu frá því fyrir 1986.