IKEA á Íslandi ætlar annað árið í röð að styðja við innlend verkefni Barnaheilla með sölu taudýra í verslun sinni. Barnaheill munu fá 100 kr. af hverju seldu taudýri á tímabilinu 15. nóvember til 24. desember 2007.

IKEA á Íslandi ætlar annað árið í röð að styðja við innlend verkefni Barnaheilla með sölu taudýra í verslun sinni. Barnaheill munu fá 100 kr. af hverju seldu taudýri á tímabilinu 15. nóvember til 24. desember 2007. Upphæðin sem safnast rennur óskipt til innlendrar starfsemi Barnaheilla.

„Barnaheill hvetja alla, sem leggja leið sína í IKEA nú fyrir jólin, að gleðja börnin með kaupum á taudýrum. Ávinningurinn verður okkar allra. Jafnframt þakka Barnaheill IKEA á Íslandi kærlega fyrir þennan frábæra stuðning,“ segir í fréttatilkynningu.