Birgir Leifur Hafþórsson
Birgir Leifur Hafþórsson
Birgir Leifur Hafþórsson, atvinnukylfingur úr GKG, hóf leik í gær á Andalúsíu-meistaramótinu í golfi sem fram fer á Spáni. Birgir lék á einu höggi yfir pari eða 73 höggum og er hann í 63. sæti ásamt fjölmörgum öðrum kylfingum.
Birgir Leifur Hafþórsson, atvinnukylfingur úr GKG, hóf leik í gær á Andalúsíu-meistaramótinu í golfi sem fram fer á Spáni. Birgir lék á einu höggi yfir pari eða 73 höggum og er hann í 63. sæti ásamt fjölmörgum öðrum kylfingum.

Mótið er hluti af Evrópumótaröðinni og er Lee Westwood frá Englandi efstur eftir fyrsta keppnisdaginn á 7 höggum undir pari vallar.

Birgir lék fyrri 9 holurnar í gær á einu höggi yfir pari eða 37 höggum þar sem hann fékk 2 skolla og 1 fugl. Á síðari 9 holunum fékk hann fugl á 10. braut og skolla á þeirri 16. Margir þekktir kappar eru á svipuðu skori og Birgir eftir fyrsta keppnisdag mótsins. Darren Clarke frá Norður-Írlandi lék á 73 höggum líkt og Birgir. Miquiel Angel Jiménez lék á 74 höggum og Daninn Thomas Björn lék á pari vallar. Jose Maria Olazabal frá Spáni hefur verið lengi frá keppni vegna meiðsla og er mótið í Andalúsíu á meðal þeirra fyrstu hjá honum eftir langt hlé. Olazabal lék á 71 höggi eða einu höggi undir pari.

Birgir lék á þessum velli á sama móti fyrir ári síðan og endaði hann í 34. sæti.