Karlmaður á áttræðisaldri var dæmdur í tveggja ára fangelsi í Héraðsdómi Reykjavíkur í gær fyrir kynferðisbrot gegn tveimur telpum.
Karlmaður á áttræðisaldri var dæmdur í tveggja ára fangelsi í Héraðsdómi Reykjavíkur í gær fyrir kynferðisbrot gegn tveimur telpum.

Maðurinn káfaði innanklæða á stjúpbarnabarni sínu í eitt sinn á árunum 1999 til 2003, þegar stúlkan var tíu til fjórtán ára gömul.

Þá var maðurinn sakfelldur fyrir að káfa innanklæða á ellefu ára gamalli telpu árið 1994, en þá fór maðurinn með fingur upp í leggöng telpunnar og setti tungu sína í munn hennar.

Fyrir dómi vitnaði stjúpdóttir hins ákærða að hún hefði orðið fyrir kynferðisafbrotum af hálfu stjúpföður síns, en fleiri vitni höfðu sömu sögu að segja.

Maðurinn neitaði sök fyrir dómi, en hann hafði ekki áður gerst sekur um refsivert brot. Auk fangelsisdómsins var maðurinn dæmdur til að greiða stúlkunum tveimur 1,2 milljónir í skaðabætur auk alls sakarkostnaðar upp á 1,3 milljónir króna. æþe