SAMKVÆMT útreikningum Orkustofnunar gefur gildistaka nýrra raforkulaga um áramót tilefni til 3% hækkunar á
SAMKVÆMT útreikningum Orkustofnunar gefur gildistaka nýrra raforkulaga um áramót tilefni til 3% hækkunar á — Morgunblaðið/Brynjar Gauti
FJÖLDI fyrirtækja þurfti að loka vegna rafmagnsleysis sem varði lungann úr síðdeginu í gær í Mosfellsbæ, Kjalarnesi, hluta Grafarvogs og í Grafarholti í norðausturhluta Reykjavíkur.
FJÖLDI fyrirtækja þurfti að loka vegna rafmagnsleysis sem varði lungann úr síðdeginu í gær í Mosfellsbæ, Kjalarnesi, hluta Grafarvogs og í Grafarholti í norðausturhluta Reykjavíkur.

Rafmagnið fór af um hádegi og var ekki að fullu komið á fyrr en á fimmta tímanum. Margir viðskiptavinir þurftu því frá að hverfa víða og má gera ráð fyrir að einhver fyrirtæki hafi orðið fyrir fjárhagstjóni þar sem bilunin reyndist ansi löng og mjög óheppileg fyrir marga, en um tuttugu ár eru síðan rafmagnsleysi hefur staðið jafn lengi yfir á höfuðborgarsvæðinu og í gær.

Ekki hægt að tengja framhjá biluninni vegna viðhalds

Rafmagnið fór af um hádegisbilið þegar bilun varð á aðalæð háspennu við Spöngina, en við það kom mikið högg inn á kerfið sem varð til þess að Nesjavallalínu sló út. Svo óheppilega vildi til að ekki var hægt að tengja framhjá biluninni því verið var að vinna að viðhaldi á háspennustreng frá Geithálsi að tengivirkinu í Korpu á sama tíma.

Komist var fyrir bilunina laust fyrir klukkan fimm í dag, en samkvæmt upplýsingum frá Orkuveitu Reykjavíkur eru um tuttugu ár síðan rafmagnsleysi hefur varað í jafn langan tíma og þetta. Á fjórða tug þúsunda íbúa og fjöldi fyrirtækja er á því svæði sem varð fyrir barðinu á biluninni.