16. apríl 2008 | Íþróttir | 194 orð

Hannes Jón Jónsson samdi við Hannover-Burgdorf

Eftir Guðmund Hilmarsson gummih@mbl.is HANNES Jón Jónsson handknattleiksmaður sem leikur með danska úrvalsdeildarliðinu Fredericia gengur í raðir þýska liðsins Hannover-Burgdorf í sumar.
Eftir Guðmund Hilmarsson

gummih@mbl.is

HANNES Jón Jónsson handknattleiksmaður sem leikur með danska úrvalsdeildarliðinu Fredericia gengur í raðir þýska liðsins Hannover-Burgdorf í sumar. Hannes hefur skrifað undir tveggja ára samning við félagið sem er sem stendur í sjötta sæti í suðurriðli þýsku 2. deildarinnar.

,,Hannes er fjölhæfur leikmaður sem er hægt að nýta í mörgum stöðum á vellinum. Með tilkomu hans og þeirra fjögurra annarra leikmanna sem við höfum fengið fyrir næstu leiktíð ætti lið okkar að styrkjast til muna,“ segir Stefan Wyss, framkvæmdastjóri Hannover-Burgdorf á heimasíðu félagins.

Hannes, sem lék með íslenska landsliðinu á Evrópumótinu í Noregi í vetur, hefur leikið með Fredericia frá því í fyrrasumar en þangað kom hann frá norska liðinu Elverum og þar áður var hann í herbúðum Ajax í Danmörku. Hér heima lék hann með ÍR og Val. Hannes hafði möguleika á að framlengja samning sinn við Fredrecia um eitt ár en kaus að gera það ekki.

Með liði Hannover-Burgforf leikur Heiðmar Felixson en hann hefur verið á mála hjá félaginu frá árinu 2004 og er samningsbundinn því til 2009. Þá samdi Hannover-Burgdorf við litháíska línumanninn Andrius Stelmokas, fyrrverandi leikmann KA, á dögunum. Stelmokas leikur nú með Füchsen Berlín.

Fletta í greinum frá þessum degi

Aðgangsupplýsingar

Notandi:Þú ert ekki innskráð(ur).
Greinin: Þessi grein er ókeypis þar sem hún er eldri en þriggja ára.
Morgunblaðið - fyrsta forsíðan

Morgunblaðið hjá Landsbókasafni

Á vefnum timarit.is er að finna stafrænt safn Landsbókasafns yfir helstu dagblöð og tímarit landsins. Þetta er eina leiðin til að leita að efni úr Morgunblaðinu frá því fyrir 1986.