Japanir sakaðir um að bera fé á smáþjóðir Boston. Frá Karli Blöndal, fréttaritara Morgunblaðsins. Umhverfisverndarsamtök beita nú auknum þrýstingi til að knýja fram tillögu um að hvalveiðar í ábataskyni verði bannaðar með öllu á Suðurheimskautinu.

Japanir sakaðir um að bera fé á smáþjóðir Boston. Frá Karli Blöndal, fréttaritara Morgunblaðsins. Umhverfisverndarsamtök beita nú auknum þrýstingi til að knýja fram tillögu um að hvalveiðar í ábataskyni verði bannaðar með öllu á Suðurheimskautinu. Í fyrradag sökuðu þrenn samtök Japana um að bera fé á ríki þriðja heimsins til að tryggja atkvæði þeirra gegn friðlýsingartillögunni.

Að sögn bandarísku fréttastofunnar AP vændu samtökin Greenpeace, International Fund for Animal Welfare og World Wide Fund for Nature Japana um að hafa þegar tryggt sér stuðning Salómonseyja, Grenada, Dominíku og St. Lúsíu með þróunarverkefnunum.

Japanskur sendifulltrúi í Sydney, Shigenobu Kato, sagði þessar ásakanir staðlausar og kvað ekkert samband milli japanskrar aðstoðar og atkvæða í Alþjóðahvalveiðiráðinu.