MYNDBÆR HF. hefur gefið út á myndbandi fræðslumyndina Brunavarnir í heimahúsum. Myndin er gerð með faglegri aðstoð Slökkviliðsins í Reykjavík.

MYNDBÆR HF. hefur gefið út á myndbandi fræðslumyndina Brunavarnir í heimahúsum. Myndin er gerð með faglegri aðstoð Slökkviliðsins í Reykjavík. Í myndinni Brunavarnir í heimahúsum er fjallað um helstu eldhættur á heimilum og hvernig á að bregðast við ef eldur brýst út. Eldsvoðar á heimilum eru algengastir eldsvoða og flestir sem farast í þeim verða fyrir því á heimilum. Algengustu orsakir eldsvoða er að finna hjá okkur sjálfum þ.e. kæruleysi, óvarkárni og vanþekkingu. Myndin er liður í að kenna almenningi hvað ber að varast og hvernig á að bregðast við ef eldur brýst út. Samstarfsaðilar við gerð myndarinnar voru Slökkviliðið í Reykjavík, Brunamálastofnun ríkisinsm, Rafmagnsveita Reykjavíkur og Vátryggingafélag Íslands hf.