Finnur Ingólfsson
Finnur Ingólfsson
Landsbankinn og Íslandsbanki eru einu kröfuhafarnir í þrotabú Langflugs ehf., fjárfestingafélags Finns Ingólfssonar, fyrrverandi iðnaðar- og viðskiptaráðherra, og fjárfestingafélagsins Giftar.
Landsbankinn og Íslandsbanki eru einu kröfuhafarnir í þrotabú Langflugs ehf., fjárfestingafélags Finns Ingólfssonar, fyrrverandi iðnaðar- og viðskiptaráðherra, og fjárfestingafélagsins Giftar. Það var stofnað utan um eignir Samvinnutrygginga um mitt ár 2007, og var eigið fé félagsins þegar best lét rúmlega 30 milljarðar króna.

Langflug var stofnað árið 2006 og var það fyrst og fremst um hlut í Icelandair Group. Með tímanum varð félagið þó umsvifameira á hlutabréfamarkaði. Eins og greint var frá í Morgunblaðinu í maí þá leysti Landsbankinn til sín 23,84 prósent hlut Langflugs í Icelandair eftir að ljóst var að félagið gat ekki staðið við lánasamninga, sem voru í erlendri mynt, við bankann.

Eignasafn Langflugs er í dag nánast ekkert og eru því lítil sem engin verðmæti í þrotabúi félagsins. Lán Landsbankans upp á um átta milljarða og Íslandsbanka upp á fimm eru því töpuð. Samstarfi Finns og hins gjaldþrota Giftar er því lokið. magnush@mbl.is