Ingi Steinar Gunnlaugsson orti á skammdegisrölti: Mjúkum skrefum í morgunhúmi fer maður um strönd Á Caymaneyjum eru krónur að nema kostalönd Í Atlantshafi er Ísland að snúast upp á rönd Pétur Stefánsson orti sléttubönd: Snjallir þegnar hafa hér hamrað...

Ingi Steinar Gunnlaugsson orti á skammdegisrölti:

Mjúkum skrefum

í morgunhúmi

fer maður um strönd

Á Caymaneyjum

eru krónur að nema

kostalönd

Í Atlantshafi

er Ísland að snúast

upp á rönd

Pétur Stefánsson orti sléttubönd:

Snjallir þegnar hafa hér

hamrað steðjann ljóða.

Allir saman viljum vér

virðing öðlast góða.

Davíð Hjálmar Haraldsson bregður á leik í limru:

Allt til að fjúka var fokið,

svo fádæma mikið var rokið

að Helga í Mó

hóstaði og dó

því að stormurinn stíflaði kokið.

Ísleifur Gíslason orti á sínum tíma um rokið á Fróni:

Voga skefur vindakast

virðar trefil brúka.

Það er án efa þéttingshvasst

þegar refir fjúka.

Loks Friðrik Steingrímsson:

Hún Guðfinna litla frá Lundi

var lausgyrt, og það vissi Mundi.

Hann þorð'ekki neitt,

en þráði það eitt,

að serð'an'á safnaðarfundi.