„Ég held að saksóknari geti alveg náð fram sömu niðurstöðu með mannlegri nálgun og eðlilegum fyrirspurnum bréflega.“ Jón Ásgeir Jóhannesson.

„Ég held að saksóknari geti alveg náð fram sömu niðurstöðu með mannlegri nálgun og eðlilegum fyrirspurnum bréflega.“

Jón Ásgeir Jóhannesson.

„Það hefur verið draumur frá því ég var smágutti að spila með Manchester United og ég gæti ekki sagt nei ef mér byðist að fara þangað. Það á eftir að gerast einhvern tíma.“

Gylfi Þór Sigurðsson knattspyrnumaður var í vikunni orðaður við stórlið United.

„Það gúgglar enginn innri tilfinningu fyrir tungumálinu.“

Vigdís Finnbogadóttir sem hlaut verðlaun Jónasar Hallgrímssonar.

„Óþolandi að formaður Sambands íslenskra sveitarfélaga skuli koma fram í fjölmiðlum með kröfu sem hefur það eitt í för með sér að skerða samningsbundin kjör kennara.“

Eiríkur Jónsson formaður KÍ.

„Þetta líf er Sérstakt. Bankamenn eru eins og kristnir menn í Íran. Hoggið án spurninga.“

Þorvaldur Sigurjónsson, forstjóri Saga Fjárfestingarbanka eftir húsleit hjá félaginu.

„Ef réttum tíma væri fylgt yrði starfsþrek fólks ugglaust meira og lundin léttari. Og atvinnulífið munar um slíkt, enda yrðu afköst meiri.“

Ólafur Þórðarson sem vill að klukkan verði látin fylgja sólargangi.

„Sumir leikmenn gráta meira að segja í búningsklefanum. Það hefði aldrei gerst á árum áður.“

Alex Ferguson, knattspyrnustjóri Manchester United.