Um þetta leyti er til siðs að líta yfir árið og velja bestu bækur, bestu kvikmyndir, bestu tónlist, bestu leiksýningar og svo má telja.

Um þetta leyti er til siðs að líta yfir árið og velja bestu bækur, bestu kvikmyndir, bestu tónlist, bestu leiksýningar og svo má telja. Víða ytra eru ýmsir miðlar löngu komnir af stað með slíkt og hér er samantekt yfir nokkra árslista sem þegar hafa birst á bókasviðinu:

Breska dagblaðið Daily Telegraph velur bók Edmunds de Waals, The Hare with Amber Eyes, sem bók ársins, en hún segir frá örlögum japanskra smámynda, netsuke, sem frændi langalangafa de Waals keypti um 1870, rekur leið myndanna aftur til Japans hundrað árum síðar og segir í senn sögu fjölskyldu de Waals og sögu Evrópu á þessum hundrað árum. Aðrar bækur á listanum: Freedom eftir Jonathan Franzen, Letters to Monica eftir Philip Larkin, The Collected Stories eftir Lydia Davis, MI6 eftir Keith Jeffery, What to Look for in Winter eftir Candia McWilliam, Chasing the Sun eftir Richard Cohen, Life eftir Keith Richards, Solar eftir Ian McEwan og A History of the World in 100 Objects eftir Neil MacGregor, sem tengist útvarpsþáttum á BBC þar sem forstjóri enska þjóðarsafnins, British Museum, ræðir um 100 gripi safnsins.

Annað breskt blað, The Guardian , fór þá leið að fá rithöfunda, lesendur og gagnrýnendur í lið með sér við að velja bækur og raðaði þeim síðan upp á myndrænan hátt eftir því hve margir nefndu viðkomandi bók. Flestir nefndu Freedom og þar næst The Hare with Amber Eyes eftir Edmunds de Waals og The Thousand Autumns of Jacob de Zoet eftir David Mitchell. Þar á eftir koma margar fleiri, læt nægja að nefna Skippy Dies eftir Paul Murray, Human Chain eftir Seamus Heaney, Room eftir Emmu Donoghue, The Pregnant Widow eftir Martin Amis, To the end of the Land eftir David Grossman, Hitch-22 eftir Christopher Hitchens og Booker-verðlaunabókina The Finkler Question eftir Howard Jacobson.

Bandaríska stórblaðið New York Times velur annars vegar bestu bækur ársins og hins vegar 100 eftirtektarverðar bækur. Það kemur ekki á óvart að Freedom eftir Jonathan Franzen sé þar valin skáldsaga ársins, en aðrar á skáldsögulistanum eru The New Yorker Stories eftir Ann Beattie, Room eftir Emmu Donoghue, Selected Stories eftir William Trevor, A Visit From The Goon Squad eftir Jennifer Egan. Af fræðibókum og bókum almenns eðlis stendur fremst Apollo's Angels: A History of Ballet eftir Jennifer Homans, Cleopatra: A Life eftir Stacy Schiff þar næst, svo The Emperor Of All Maladies: A Biography of Cancer eftir Siddhartha Mukherjee, Finishing the Hat: Collected Lyrics (1954-1981) With Attendant Comments, Principles, Heresies, Grudges, Whines and Anecdotes eftir lagasmiðinn Stephen Sondheim og The Warmth of Other Suns: The Epic Story of America's Great Migration eftir Isabel Wilkerson, sem segir frá þjóðflutningum blökkumanna innan Bandaríkjanna.

Bóksalinn mikli, Amazon , velur líka bestu bækur ársins og ekki færri en 100 bækur, ekki er vert að birta allan listann hér, en látum tíu bestu bækurnar fylgja: The Immortal Life of Henrietta Lacks eftir Rebeccu Skloot, Faithful Place eftir Tönu French, Matterhorn eftir Karl Marlantes, Unbroken eftir Lauru Hillenbrand, The Warmth of Other Suns eftir Isabel Wilkerson, Freedom eftir Jonathan Franzen, The Girl Who Kicked the Hornet's Nest eftir Stieg Larsson, To the End of the Land eftir David Grossman, Just Kids eftir Patti Smith og The Big Short: Inside the Doomsday Machine eftir Michael Lewis.

Systursetur Amazon, Amazon í Bretlandi, velur líka bækur ársins, en blandar þeim ekki saman. Topp tíu skáldverk eru Freedom eftir Jonathan Franzen, Sister eftir Rosamund Lupton, Fall of Giants eftir Ken Follett, Room eftir Emmu Donoghue, The Distant Hours eftir Kate Morton, The Finkler Question eftir Howard Jacobson, The Slap eftir Christos Tsiolkas, The Thousand Autumns of Jacob De Zoet eftir David Mitchell, The Good Man Jesus and the Scoundrel Christ eftir Philip Pullman og Sunset Park eftir Paul Auster.

Tíu bestu ævisögur eru Life eftir Keith Richards, The Fry Chronicles eftir Stephen Fry, A Journey eftir Tony Blair, Wait For Me: Memoirs of the Youngest Mitford Sister eftir Deborah Devonshire, The Devil Rides Out eftir Paul O'Grady, The Third Man: Life at the Heart of New Labour eftir Peter Mandelson, Nothing to Envy: Real Lives in North Korea eftir Barböru Demick, Caravaggio: A Life Sacred and Profane eftir Andrew Graham-Dixon, My Bonnie: How dementia stole the love of my life eftir John Suchet og Must You Go? My Life with Harold Pinter eftir Antoniu Fraser.