Brids - Guðmundur Páll Arnarson | ritstjorn@mbl.is

Nákvæm litaríferð. S-AV.

Með 27 hápunkta opnar suður á alkröfu, 2♣. Norður hlerar með 2♦ og suður hoppar í 4G til að sýna öll ósköpin. Sögnin lýsir 27-28 punktum og þær fréttir duga norðri til að segja 6G. Útspilið er ♥10.

Yfirleitt er það ávísun á samgangsvandræði þegar kóngafólkið safnast saman á einum stað. Laufkóngur þarf að liggja fyrir svíningu, en vandinn er sá að spaðaásinn er eina innkoma blinds. Þá innkomu þarf að nota vel.

Til að byrja með borgar sig að fara af stað með laufgosann, frekar en lítið lauf, enda sennilegra að austur sé með ♣Kxx en kónginn blankan. Þetta er nokkuð augljóst. Hitt leynir á sér að best sé að láta tíuna heima undir gosann! Með því móti má halda innkomunni lengur ef vestur reynist eiga laufníuna blanka.