Andagtug Börn starfsmanna Árvakurs fengu bæði jólaveina og Grýlu í heimsókn. Sögurnar sem þetta furðufólk sagði úr fjöllunum voru þess lags að börnin héldu niður í sér andanum af spenningi.
Andagtug Börn starfsmanna Árvakurs fengu bæði jólaveina og Grýlu í heimsókn. Sögurnar sem þetta furðufólk sagði úr fjöllunum voru þess lags að börnin héldu niður í sér andanum af spenningi. — Morgunblaðið/Kristinn
Ruggað Þau rugguðu sér í lendunum af innlifun og sungu með, börnin í Rimaskóla.
Þjóðlegt Lopapeysur og rauðar húfur fara vel saman á aðventunni í Árbæjarsafninu.
Spennt Þau vögguðu varlega brúðum í Ísaksskóla í takt við lagið „Nú skal segja“ á litlu-jólunum.
Hring eftir hring Að ganga í kringum jólatréð er fylgifiskur aðventunnar.
Sveinki Ert þetta þú, sveinki? var spurt í Ísaksskóla.
Sungið Börnin í Rimaskóla settu upp jólaleikrit og sungu af hjartans lyst.
[ Smellið til að sjá stærri mynd ]
Eru jólin ekki alveg að fara að koma? spyrja börnin gjarnan stóreyg á aðventunni. Til að stytta þeim biðina, sem stundum virðist engan enda ætla að taka, er slegið upp jólaböllum í skólum, leikskólum og á vinnustöðum mömmu og pabba.

Eru jólin ekki alveg að fara að koma? spyrja börnin gjarnan stóreyg á aðventunni. Til að stytta þeim biðina, sem stundum virðist engan enda ætla að taka, er slegið upp jólaböllum í skólum, leikskólum og á vinnustöðum mömmu og pabba. Böllin hafa lítið breyst í gegnum tíðina. Grýla kíkir gjarnan í heimsókn og ekkert ball er nú án jólasveinsins. Bræðurnir íslensku kunna að kæta krakka enda hafa þeir marga mánuði til að undirbúa skemmtilegheitin.

Ómissandi á hverju balli er svo að syngja jólalögin. Þá ríður á að kunna textana en þegar upp er staðið er það þó ekki aðalatriðið, heldur að vera með og rugga sér kannski eilítið í lendunum.