Hjalti Geir Erlendsson Önundur Páll Ragnarsson Stjórnvöld leita nú leiða til að bæta fyrir þau mál sem ekki tókst að afgreiða á síðustu dögum þingsins.
Hjalti Geir Erlendsson

Önundur Páll Ragnarsson

Stjórnvöld leita nú leiða til að bæta fyrir þau mál sem ekki tókst að afgreiða á síðustu dögum þingsins. Bjarni Benediktsson, formaður Sjálfstæðisflokksins, vill að Alþingi verði kallað saman sem fyrst, ekki síst til að eyða óvissu um greiðslu hlutaatvinnuleysisbóta. Ekki náðist að klára það mál áður en þingi var frestað í vor. Guðbjartur Hannesson velferðarráðherra segir þann möguleika hafa verið ræddan að setja bráðabirgðalög til að tryggja greiðslurnar í ágúst en þau séu ekkert sérstaklega á dagskrá. Of viðurhlutamikið sé að kalla þingið saman vegna þessa máls.

Bjarni segir þetta enn eitt dæmið um klúður ríkisstjórnarinnar. Hann segir sífellt bætast í sarpinn af nýjum málum sem valdi tjóni fyrir borgarana. Hann vill að þingið afgreiði málið auk annarra mikilvægra mála sem setið hafi á hakanum. Sem dæmi nefnir Bjarni útboðsmálin á drekasvæðinu sem þurfi að komast í almennilegan farveg í sumar. Í gær kom fram að Alþingi hefði ekki tekist að framlengja heimild fólks til að taka út séreignarsparnað. Formenn þingflokka sömdu um hvaða mál skyldi afgreiða fyrir þinglok. Þuríður Backman, þingflokksformaður VG, segir málin ekki hafa gleymst heldur hafi þau einfaldlega ekki komist að fyrir öðrum málum. Stjórnarandstaðan hafi fest sig við ákveðin mál og kvótamálin hafi yfirtekið þingstörfin.

Kvótamál yfirtóku 12

Alþingi komi saman
» Óumdeildar réttarbætur urðu ekki að lögum vegna einstakra plássfrekra mála á lokametrum þingsins.
» Formaður Sjálfstæðisflokksins leggur til að þing verði kallað saman svo hægt verði að afgreiða ýmis mikilvæg mál.