Stjórn Kvenréttindafélags Íslands vill að aðilar vinnumarkaðarins búi í haginn fyrir innleiðingu jafnlaunastaðals hjá fyrirtækjum og stofnunum með markvissu fræðslu- og hvatningarátaki. Þetta kemur fram í ályktun frá félaginu.

Stjórn Kvenréttindafélags Íslands vill að aðilar vinnumarkaðarins búi í haginn fyrir innleiðingu jafnlaunastaðals hjá fyrirtækjum og stofnunum með markvissu fræðslu- og hvatningarátaki. Þetta kemur fram í ályktun frá félaginu. Þar segir að verið sé að þróa staðalinn hjá Staðlaráði Íslands og er gert ráð fyrir að þeirri vinnu verði lokið jafnvel næsta vor. Mikilvægt er að sá tími sem til stefnu er verði nýttur til kynningar.

„Þá mælist stjórnin eindregið til þess að stjórnvöld stuðli að innleiðingu staðalsins með skattaívilnunum eða öðrum sambærilegum ávinningi til handa þeim fyrirtækjum og stofnunum sem taka hann upp. Með hliðsjón af stöðu efnahagsmála má heita ljóst að afstaða og aðgerðir stjórnvalda séu lykilatriði fyrir framkvæmd jafnlaunastaðalsins og um þann árangur sem ná má varanlega í baráttunni gegn því þjóðarböli sem kynbundinn launamunur er,“ segir Kvenréttindafélag Íslands.

sbs@mbl.is