Lúðvík Gizurarson
Lúðvík Gizurarson
Frá Lúðvík Gizurarsyni: "Það er að hefja nýtt bankahrun að setja lausa peninga í hlutabréf í matvöruverslun og svo er söluhagnaður af hlutabréfasölunni væntanlega fluttur til útlanda. Það skapar meiri kreppu hér og atvinnuleysi."

Það er að hefja nýtt bankahrun að setja lausa peninga í hlutabréf í matvöruverslun og svo er söluhagnaður af hlutabréfasölunni væntanlega fluttur til útlanda. Það skapar meiri kreppu hér og atvinnuleysi. Nota á peningana frekar til að fjölga ferðamönnum og skapa þannig gjaldeyristekjur. Matarbúð skapar ekki gjaldeyri heldur eyðir erlendum gjaldeyri. Skapar ekki verðmæti.

Þegar Bandaríkjamenn hjálpuðu okkur eftir stríðið vildu þeir að Marshall-dollarar færu í verksmiðju en ekki matvörubúð. Byggð var áburðarverksmiðja í Gufunesi en ekki matvörubúð. Lengi framleiddum við okkar eigin áburð. Svo var Áburðarverksmiðjan einkavædd og að lokum seld í brotajárn. Nú væri gott að hafa Áburðarverksmiðjuna því hún framleiddi vetni sem breytt var í áburð. Nú ganga bílar fyrir vetni jafnt og bensíni. Svo hjálpuðu Bandaríkjamenn okkur með nýja virkjun í Sogi. Svo kom aðstoð við Búrfellsvirkjun og Straumsvík. Ekki matvörubúð!

LÚÐVÍK GIZURARSON

hæstaréttarlögmaður.

Frá Lúðvík Gizurarsyni