Geir Jón Þórisson
Geir Jón Þórisson
Geir Jón Þórisson lögreglumaður hefur ákveðið að gefa kost á sér sem annar varaformaður Sjálfstæðisflokksins. Kosið verður í embættið á flokksráðsfundi sem fram fer í Kópavogi 17. mars nk.
Geir Jón Þórisson lögreglumaður hefur ákveðið að gefa kost á sér sem annar varaformaður Sjálfstæðisflokksins. Kosið verður í embættið á flokksráðsfundi sem fram fer í Kópavogi 17. mars nk.

Í tilkynningu frá Geir Jóni segir að þann tíma sem hann starfaði sem yfirmaður í lögreglunni hafi hann valið að halda sig fjarri öllu stjórnmálastarfi. Nú þegar störfum á þeim vettvangi sé að ljúka finni hann mikla þörf og löngun til að vinna að þeim stóru og brýnu verkefnum samfélagsins sem liggi á sviði stjórnmálanna.

„Ástæða þess að ég gef kost á mér í þetta stóra verkefni er einlægur áhugi minn og vilji til að láta gott af mér leiða. Reynsla mín af fyrri störfum og djúp þörf til að koma þjóðþrifamálum í framkvæmd hvetur mig einnig til að stíga þetta stóra skref. Hvatning víða úr samfélaginu er mér sömuleiðis kærkomin og fyrir henni ber ég mikla virðingu.

Með framboði mínu til annars varaformanns Sjálfstæðisflokksins vil ég undirstrika vilja minn og áhuga á því að efla og styrkja Sjálfstæðisflokkinn, flokk allra stétta, til að ná þeim styrk sem þarf til að leiða þjóðina út úr því erfiða ástandi sem hún býr við í dag.“