María Guðmundsdóttir
María Guðmundsdóttir
María Guðmundsdóttir, skíðakona frá Akureyri, sigraði á svigmóti annan daginn í röð þegar hún varð hlutskörpust á móti í Jolster í Noregi í gær. María vann með nokkrum yfirburðum en fleiri Íslendingar tóku þátt í mótinu.
María Guðmundsdóttir, skíðakona frá Akureyri, sigraði á svigmóti annan daginn í röð þegar hún varð hlutskörpust á móti í Jolster í Noregi í gær. María vann með nokkrum yfirburðum en fleiri Íslendingar tóku þátt í mótinu. Erla Ásgeirsdóttir, Breiðabliki, varð í 8. sæti, Freydís Halla Einarsdóttir, Reykjavík, í 13. sæti, Erla Guðný Helgadóttir, Reykjavík, í 14. sæti, Thelma Rut Jóhannsdóttir, Ísafirði, í 16. sæti og Tinna Rut Hauksdóttir, Reykjavík, varð í 17. sæti.

Sturla Snær Snorrason, Reykjavík, varð í 6. sæti aðeins sekúndu á eftir sigurvegaranum Andra Árnasyni, Svíþjóð, en hann er sonur landsliðsþjálfarans Árna Þórs Árnasonar.

Katrín Kristjánsdóttir, Akureyri, og Brynjar Jökull Guðmundsson, Reykjavík, luku ekki keppni í dag. kris@mbl.is