Borgin Hótelið rís í hjarta Reykjavíkur við Hljómalindarreitinn
Borgin Hótelið rís í hjarta Reykjavíkur við Hljómalindarreitinn — Morgunblaðið/Eggert
Árni Grétar Finnsson agf@mbl.is Um 150 störf skapast við framkvæmdir á nýju Icelandair-hóteli við Hljómalindarreitinn, en um 70 störf munu skapast við rekstur hótelsins.

Árni Grétar Finnsson

agf@mbl.is

Um 150 störf skapast við framkvæmdir á nýju Icelandair-hóteli við Hljómalindarreitinn, en um 70 störf munu skapast við rekstur hótelsins.

Íslenskir iðnaðarmenn, sem fluttu af landi brott eftir bankahrunið, hafa sett sig í samband við fyrirtækið Þingvang, sem byggja mun hótelið, með það fyrir augum að flytja aftur heim til Íslands og vinna að framkvæmdunum. Áætluð verklok eru um mitt ár 2015.

Gamla gengið kemur saman

„Við vorum alveg rosalega ánægð að heyra fréttirnar,“ segir Pálmar Harðarson, aðaleigandi Þingvangs. Hann segir að þessir menn hafi starfað saman á Íslandi fyrir hrun en hafi síðan flutt til Noregs þar sem hópurinn tvístraðist.

„Þeir vilja hóa hópnum saman aftur. Gamla genginu, eins og þeir kölluðu sig,“ segir Pálmar.

Hótelið mun bera nafnið Cultura, sem vísar til þess menningarlega yfirbragðs Reykjavíkurborgar sem mun einkenna það. Magnea Þórey Hjálmarsdóttir, framkvæmdastjóri Icelandair Hotels, segir að hótelið falli vel að anda borgarinnar.

„Við viljum að hótelið aðlagist borginni, en ekki öfugt.“ 4