Bráðabirgðaniðurstaða krufningar á líki karlmanns sem lést í slysi á vélsleða á Langjökli 29. júlí sl. liggur nú fyrir að sögn lögreglunnar á Selfossi.
Bráðabirgðaniðurstaða krufningar á líki karlmanns sem lést í slysi á vélsleða á Langjökli 29. júlí sl. liggur nú fyrir að sögn lögreglunnar á Selfossi. Af krufningunni má ráða að bráð alvarleg veikindi hafi valdið því að hann missti stjórn á sleðanum og slasaðist en áverkarnir af því slysi leiddu manninn til dauða, að því er segir í tilkynningu frá lögreglu. Aðrir þættir málsins eru enn til rannsóknar.