Ólafur Áki Ragnarsson
Ólafur Áki Ragnarsson
Ólafur Áki Ragnarsson hefur verið ráðinn sveitarstjóri Vopnafjarðarhrepps og mun hefja störf 1. september nk. Alls bárust 19 umsóknir um starfið en tveir kusu að draga umsóknir sínar til baka.

Ólafur Áki Ragnarsson hefur verið ráðinn sveitarstjóri Vopnafjarðarhrepps og mun hefja störf 1. september nk. Alls bárust 19 umsóknir um starfið en tveir kusu að draga umsóknir sínar til baka. Capacent vann úr umsóknum og hafði umsjón með úrvinnslu málsins. Ólafur Áki var sveitarstjóri Búlandshrepps/Djúpavogshrepps í sextán ár og bæjarstjóri í sveitarfélaginu Ölfusi í átta ár. Síðastliðin fjögur ár hefur hann starfað hjá Þróunarfélagi Austurlands og síðar Austurbrúar ses. og séð þar m.a. um málefni sveitarfélaga á Austurlandi, atvinnusvæði Austurlands.

Ólafur Áki hefur jafnframt setið í fjölmörgum nefndum og ráðum og má þar meðal annars nefna setu hans í stjórn Sambands sveitarfélaga í Austurlandskjördæmi, samgöngu- og stóriðjunefnd á vegum Sambands sveitarfélaga á Austurlandi og stjórn Héraðsskjalasafns Austurlands. Hann hefur einnig setið í fulltrúaráði Sambands íslenskra sveitarfélaga.