Strandarkirkja
Strandarkirkja — Morgunblaðið/Ómar
ORÐ DAGSINS: Jesús mettar 4 þús. manna.
ÁRBÆJARKIRKJA | Helgistund kl. 11. Sr. Kristín Pálsdóttir flytur hugleiðingu. Félagar úr kirkjukórnum leiða safnaðarsöng og Sverrir Sveinsson leikur á trompet við undirleik Kjartans Ognibene.

BORGARKIRKJA | Messa kl. 14. Prestur Þorbjörn Hlynur Árnason.

BÚSTAÐAKIRKJA | Sunnudaginn 3. ágúst verður ekki messað í Bústaðakirkju. Starfsfólk kirkjunnar á frí þennan eina sunnudag á árinu. Bent er á messur í nágrannakirkjum. Óskum sóknarbörnum og öðrum góðrar og farsællar verslunarmannahelgar.

Pálmi Matthíasson

Kristskirkja, Landakoti | Messa kl. 10.30, kl. 13 á pólsku og kl. 18 á ensku. Virka daga kl. 18, og mán, mið og fös. kl. 8, lau. kl. 16 á spænsku og kl. 18 er sunnudagsmessa.

DÓMKIRKJAN | Messa kl. 11, séra Hjálmar Jónsson prédikar og þjónar fyrir altari. Kammerkór Dómkirkjunnar og organisti er Kári Þormar.

EFRA-Núpskirkja Miðfirði | Laugardag kl. 14. Árleg sumarmessa verður haldin með almennum söng og samfélagi yfir veitingum eftir messu. Sóknarprestur.

GARÐAKIRKJA | Bæna- og íhugunarmessa kl. 20. Athuga breyttan messutíma þennan eina dag sumarins. Jóna Hrönn Bolladóttir þjónar fyrir altari ásamt sóknarfólki. Jóhann Baldvinsson spilar á orgel milli íhugunar og bæna. Altarisganga.

GRAFARVOGSKIRKJA | Guðsþjónusta kl. 11. Dr. Sigurjón Árni Eyjólfsson héraðsprestur prédikar og þjónar fyrir altari. Forsöngvari: Jóhanna Ósk Valsdóttir. Organisti: Bjartur Logi Guðnason.

GRENSÁSKIRKJA | Vegna sumarleyfa er Grensáskirkjan lokuð til og með 8. ágúst. Bent er á guðsþjónustur í öðrum kirkjum.

GUÐRÍÐARKIRKJA í Grafarholti | Lesmessa verður í Guðríðarkirkju 3. ágúst kl. 11, stutt ræða og altarisganga auk þess sem barn verður borið til skírnar. Prestur séra Sigríður Guðmarsdóttir.

HALLGRÍMSKIRKJA | Messa kl. 11. Sr. María Ágústsdóttir prédikar og þjónar fyrir altari ásamt messuþjónum. Félagar úr Mótettukór Hallgrímskirkju syngja. Organisti er Eyþór Franzson Wechner. Eftirspil leikur Maurice Clerc frá Frakklandi. Sögustund fyrir börnin. Alþjóðlegt orgelsumar: Tónleikar laugard. kl. 12 og sunnud. kl. 17. Maurice Clerc, organisti frá Frakklandi, leikur.

HÁTEIGSKIRKJA | Messa kl. 11. Organisti Steinar Logi Helgason. Prestur sr. Helga Soffía Konráðsdóttir.

HJALLAKIRKJA Kópavogi | Messa kl. 11. Rósa Kristín Baldursdóttir syngur og leikur undir söng. Sungnir verða sumarsálmar. Prestur sr. Steinunn Arnþrúður Björnsdóttir. Kaffisopi eftir messu.

LAUGARNESKIRKJA | Brekkusöngur og bæn kl. 20. Andri Bjarnason sálfræðingur og Bjarni Karlsson sóknarprestur ræða íslenska útihátíðarþrá og Andri leiðir brekkusönginn.

NESKIRKJA | Messa kl. 11. Félagar úr Kór Neskirkju leiða safnaðarsöng. Dr. Sigurður Árni Þórðarson prédikar og þjónar fyrir altari. Kaffisopi á Torginu eftir messu.

REYNIVALLAKIRKJA í Kjós | Guðsþjónusta kl. 14. Séra Gunnar Kristjánsson sóknarprestur prédikar og þjónar fyrir altari, organisti og söngstjóri er Páll Helgason.

SALT kristið samfélag | Engin samkoma um verslunarmannahelgina.

SELFOSSKIRKJA | Messa kl. 11. Prestur sr. Axel Á. Njarðvík. Organisti Jörg Sondermann. Súpa í hádegi í safnaðarheimili.

SKÁLHOLTSDÓMKIRKJA | Messa sunnudag 3. ágúst kl. 17. Sr. Egill Hallgrímsson annast prestsþjónustuna. Í messunni verður flutt tónlist frá sumartónleikum helgarinnar.

STRANDARKIRKJA | Sunnudaginn 3. ágúst munu Gunnar Kvaran sellóleikari og Haukur Guðlaugsson orgelmeistari halda tónleika í Strandarkirkju sem hefjast kl. 13. Þar munu þeir m.a. flytja verk eftir Bach, Schubert, Boccherini og Saint-Säens. Tónleikar þeirra standa fram undir messu kl. 14 og er aðgangur ókeypis. Í messunni prédikar Anna Sigríður Pálsdóttir dómkirkjuprestur, Jörg Sondermann spilar á orgelið og kór Þorlákskirkju syngur.

(Mark. 8)

(Mark. 8)