Þungt pass. S-Allir Norður &spade;93 &heart;106542 ⋄973 &klubs;532...

Þungt pass. S-Allir

Suður spilar 3♥ dobluð.

Sjálfsagt hefur það verið af kerfisástæðum sem Lynn Deas dró þungt pass upp úr sagnboxinu. Hún var í vestur og suður vakti á sterku grandi (15-17). Deas og makker hennar Juanita Chambers spila flókna vörn við grandopnun, þar sem dobl sýnir fjórlit í öðrum hálitnum og lengri láglit til hliðar. Dobl kom því vart til greina og Deas valdi að bíða átekta með passi.

Sú bið hefði auðvitað getað orðið til eilífðarnóns, því punktar eru takmörkuð auðlind og augljóslega ekki mikið eftir handa norðausturhorninu. En þá það. Dánarnir eru dýrir á hættunni þótt ódoblaðir séu. Og svo er aldrei að vita.

NS voru Irina Levitina og Kerri Sanborn. Sú síðarnefnda var með eyðimörkina í norður og yfirfærði í hjarta með 2♦. Levitina sagði 2♥ og nú doblaði Deas til úttektar. Chambers sagði 2♠ og Levitina barðist í 3♥. Aftur dobl, allir pass og feitur 800-kall fyrir þrjá niður.