Heilabrot Sérfræðingar velta m.a. fyrir sér hvort um seiði sé að ræða eða nýja tegund.
Heilabrot Sérfræðingar velta m.a. fyrir sér hvort um seiði sé að ræða eða nýja tegund.
Lítill torkennilegur fiskur hefur valdið sérfræðingum Hafrannsóknastofnunar nokkrum heilabrotum síðustu vikur.

Lítill torkennilegur fiskur hefur valdið sérfræðingum Hafrannsóknastofnunar nokkrum heilabrotum síðustu vikur. Þessi smágerði uppsjávarfiskur veiddist í makrílleiðangri rannsóknaskipsins Árna Friðrikssonar sunnarlega á Reykjaneshrygg fyrir um mánuði og hefur ekki tekist að greina hvaða tegund er um að ræða.

Alls veiddist hálft annað kíló af fiskinum, sem var að meðaltali um sex sentimetrar að lengd, og fékkst fiskurinn aðeins í einu togi. Að sögn Jónbjörns Pálssonar, fiskifræðings á Hafrannsóknastofnun, velta menn því meðal annars því fyrir sér hvort þarna hafi ný tegund verið á ferð eða hugsanlega seiði einhverrar fisktegundar.

Jónbjörn segir að danskur fiskifræðingur, sem starfar í Grænlandi, hafi skoðað fiskinn og hafi einnig staðið á gati. Hann hafi tekið með sér sýni er hann hélt heim á leið til að reyna að greina fiskinn.

Í leiðangrinum fengust ýmsar uppsjávartegundir sem ekki er algengt að íslensk fiskskip veiði. Nefna má litla geirsíli, laugasíld, íslaxsíld og smokkfisk. aij@mbl.is