Formenn Verið er að ræða skiptingu ráðuneyta á milli flokka.
Formenn Verið er að ræða skiptingu ráðuneyta á milli flokka. — Morgunblaðið/Eggert
Agnes Bragadóttir agnes@mbl.is Ráðherrar í ríkisstjórn Katrínar Jakobsdóttur verða ellefu talsins, samkvæmt upplýsingum Morgunblaðsins.

Agnes Bragadóttir

agnes@mbl.is

Ráðherrar í ríkisstjórn Katrínar Jakobsdóttur verða ellefu talsins, samkvæmt upplýsingum Morgunblaðsins. Fimm ráðherrastólar koma í hlut Sjálfstæðisflokksins, þrír í hlut VG og þrír ráðherrastólar koma í hlut Framsóknarflokksins.

Málefnavinna og viðræður formanna flokkanna þriggja gengu vel í gær, samkvæmt upplýsingum Morgunblaðsins, og vonast er eftir því að gerð málefnasamnings ljúki í síðasta lagi á mánudag.

Meðal þess sem þau Katrín Jakobsdóttir, Bjarni Benediktsson og Sigurður Ingi Jóhannsson ræddu í gær og fyrradag, samkvæmt upplýsingum Morgunblaðsins, var hvaða ráðuneyti kæmu í hlut hvers flokks, án þess að þeirri umræðu hefði lokið með endanlegri niðurstöðu. Gengið væri út frá því að VG fái forsætisráðuneytið og að fjármála- og efnahagsráðuneytið yrði í höndum Sjálfstæðisflokks, svo og utanríkisráðuneytið. Þá eru líkur á því að sjávarútvegs- og landbúnaðarráðuneyti verði á forræði Framsóknar. 4