Stjórnarráðið Gera má ráð fyrir að heildarumfang upplýsinga sem finna má á vefnum Opnir reikningar nemi árlega um 45 milljörðum króna.
Stjórnarráðið Gera má ráð fyrir að heildarumfang upplýsinga sem finna má á vefnum Opnir reikningar nemi árlega um 45 milljörðum króna. — Morgunblaðið/Kristinn Magnússon
Greiddir reikningar allra stofnana í A-hluta ríkissjóðs eru nú komnir inn á vefinn opnirreikningar.is en stofnunum hefur verið bætt við í áföngum síðan verkefninu var hleypt af stokkunum fyrir rúmu ári. Innleiðingunni er nú lokið.

Greiddir reikningar allra stofnana í A-hluta ríkissjóðs eru nú komnir inn á vefinn opnirreikningar.is en stofnunum hefur verið bætt við í áföngum síðan verkefninu var hleypt af stokkunum fyrir rúmu ári. Innleiðingunni er nú lokið.

Birtir reikningar eru nú um 169.000 talsins en frá því í október 2018 hefur fjöldi þeirra tvöfaldast, að því er segir í tilkynningu frá Stjórnarráðinu. Undanfarna mánuði hafa upplýsingar stórra stofnana, svo sem Landspítala, verið birtar á opnum reikningum. Gera má ráð fyrir að heildarumfang upplýsinga sem finna má á vefnum nemi árlega um 45 milljörðum króna.

Opnum reikningum var komið á fót í samræmi við stefnu stjórnvalda um bætt viðmót og aðgengi að stjórnsýslu. Þeim er ætlað að veita einfalda og skýra mynd af viðskiptum stofnana með því að birta yfirlit yfir greidda reikninga. Markmiðið er að hægt sé að skoða greidda reikninga nálægt rauntíma, en vefurinn er uppfærður mánaðarlega. Hægt er að skoða viðskiptin út frá stofnunum, birgjum, tegund kostnaðar og tímasetningu.