Barðaströnd: Ítalskur ferðamaður hrapaði í fjallshlíð TVÍTUGUR ítalskur ferðamaður fékk alvarlega brjóstholsáverka er hann hrapaði í Fjarðarhlíð, norðarlega á Múlanesi við Kerl ingarfjörð á Barðaströnd, á sjötta tímanum á laugardag.

Barðaströnd: Ítalskur ferðamaður hrapaði í fjallshlíð

TVÍTUGUR ítalskur ferðamaður fékk alvarlega brjóstholsáverka er hann hrapaði í Fjarðarhlíð, norðarlega á Múlanesi við Kerl ingarfjörð á Barðaströnd, á sjötta tímanum á laugardag. Þyrla Landhelgisgæslunnar sótti manninn og flutti hann á Borgarspítalann.

Maðurinn var ásamt þremur löndum sínum á bílferð um Barðaströnd og hafði hópurinn áð við Múlanes, um 110 kílómetra frá Patreksfirði. Félagar piltsins fóru í stutta gönguferð um nágrenni án ingarstaðarins en pilturinn varð eftir við bílinn. Þegar félagarnir sneru til baka var pilturinn horfinn en fannst skömmu síðar liggjandi bjargarlaus í Fjarðarhlíð. Hann var með meðvitund en særður á brjóstholi og í andnauð. Félagar mannsins gerðu lögreglu á Pareksfirði aðvart og óskaði hún tafarlaust eftir aðstoð þyrlu Landhelgisgæslunnar jafnframt því sem læknir og sjúkrabíll fóru á staðinn frá Patreksfirði.

Vegna ástands mannsins eru tildrög slyssins óljós. Hann var enn á gjörgæsludeild síðdegis í gær en ekki talinn í lífshættu.

Morgunblaðið/Kristján Þ. Jónsson

Á slysstaðnum í Fjarðarhlíð. Læknir og björgunarmenn flytja manninn á sjúkrabörur.

Séð upp Fjarðarhlíðina. Efst í gilinu s´jást sjúkrabörurnar, semmaðurinn var borinn í.