ÞORBJÖRG HULDA

GUÐJÓNSDÓTTIR

Hulda Guðjónsdóttir húsfreyja og bóndi á Eiríksbakka, Biskupstungum, fæddist í Úthlíð, Biskupstungum, 10. júní 1917. Hún lést á dvalar- og hjúkrunarheimilinu Kumbaravogi, Stokkseyri, 14. október síðastliðinn. Hulda var dóttir hjónanna Guðjóns Eyjólfssonar bónda á Eiríksbakka, f. 27. júlí 1890, d. 2. október 1966, og konu hans Ingibjargar Ingvarsdóttur, f. 7. júlí 1884, d. 16. desember 1933. Systkini Huldu eru Ólafur, f. 30. júní 1918, d. 27. nóvember sama ár. Ingvar, f. 26. september 1919, Sigríður, f. 1. desember 1920, d. 28. ágúst 1983, og Ágústa, f. 1. nóvember 1921. Útför Huldu fer fram frá Skálholtskirkju í dag og hefst athöfnin kl. 14.