Flosgrænir bjargfingur birtuna grípa frá blessaðri sól. Von mín er traust eins og veggur bjargsins og veitir mér skjól. Sólstafir tipla á tærbláum öldum og töfra mér sýn. Í fögnuði mínum er ferðinni heitið til þín. Í STOKKSEYRARFJÖRU Í fjörunni fyrir austan fyllist ég vorsins þrá.


SVANUR KARLSSON



VIÐ HORNBJARG

Flosgrænir bjargfingur

birtuna grípa

frá blessaðri sól.

Von mín er traust

eins og veggur bjargsins

og veitir mér skjól.



Sólstafir tipla

á tærbláum öldum

og töfra mér sýn.

Í fögnuði mínum

er ferðinni heitið

til þín.





Í STOKKS-

EYRARFJÖRU

Í fjörunni fyrir austan

fyllist ég vorsins þrá.

Í minninga fagnandi faðmi

finn ég mitt hjarta slá.



Tjarnslétt er tindrandi hafið

á Trölllendum örlar við stein

og Músarsund greiðir mörgum för

þótt marri kjölur við hlein.



Sundvarða og Svartiklettur

sitja þögul og keik

og Baðstofuklettarnir bjóða heim

börnum í kátum leik.



Í fjörunni fyrir austan

fagnar mitt hjarta á ný

þar sindrar sólskin í broti

og sunnan golan er hlý.

Höfundurinn er fyrrverandi sjómaður.