Plágan að vætti halastjörnu og blæðandi sjónbauga - hvar hegrar plægja himinbraut og veraldir skjóta upp fána vatnaþoka um skínandi brjóstatinda, þornaðar lindir. Slör. Bráðið silfur reyk leggur niður um rásir gullgerðarsólar...
WOLE SOYINKA



KENYA-SLÉTTURNAR

Baldur Óskarsson þýddi



Plágan

að vætti halastjörnu og blæðandi

sjónbauga - hvar hegrar plægja himinbraut

og veraldir skjóta upp fána



vatnaþoka

um skínandi brjóstatinda, þornaðar

lindir. Slör. Bráðið silfur -

reyk leggur niður um rásir

gullgerðarsólar ... grá smyrsl vatna í dögun?



Í þá dögun

voru augu hennar odduð geislum kvöldsólar

árstíðin stöngluð í hörundi skrældu, og þó -

hulduvatnið



Það mildar



og sumarlangt hafði hún mjólkað

rauð kvöldspjótin og sogið eitur úr reyr

í hirðingjans flautu. - Slétturnar

lyfta sér enn á farfuglavængjum

og kaktusinn blómgast

hinum vökula erni.

Wole Soyinka er skáld frá Nígeríu, fæddur 1934. Hann skrifar á ensku, er þekktasta leikskáld af afrískum uppruna og hlaut bókmenntaverðlaun Nóbels 1986.