Formæfingar Yfir páskahelgina sýndi Lars Emil Árnason ýmsar æfingar úr formasmiðju sinni í Ásmundarsal á Freyjugötu 41. Lars Emil telst af yngstu kynslóð myndlistarmanna og mun hafa útskrifast úr Nýlistadeild MHÍ fyrir fáum árum.

Formæfingar Yfir páskahelgina sýndi Lars Emil Árnason ýmsar æfingar úr formasmiðju sinni í Ásmundarsal á Freyjugötu 41. Lars Emil telst af yngstu kynslóð myndlistarmanna og mun hafa útskrifast úr Nýlistadeild MHÍ fyrir fáum árum.

Og vissulega má sjá það á myndum hans, að hann er helst upptekinn af því, sem er að gerast úti í hinum stóra heimi, eða réttara heldur að sé að gerasst, og honum beri skylda til að rækta og opinbera löndum sínum. Þessi grein nýlista nefnist nýstrangflatalist, og er Svisslendingurinn Helmut Federle einn af þekktustu fulltrúum hennar umþessar mundir, en hann kenndi einmitt í Nýlistadeild MHÍ fyrir nokkrum árum. Sá var þá ekki orðinn jafnfrægur og seinna varð.

Sjá má greinileg áhrif frá Federle í nokkrum mynda Lars Emils, en að öðru leyti eru þetta flest gamalkunn form úr smiðju strangflatalistar fortíðarinnar.

En á bak við myndirnar má finna vissa sannfæringu og einlægni og myndirnar eru útfærðar af mikilli natni og stakri samviskusemi. Sums staðar bregður og fyrir persónulegum litasamböndum og það er einmitt veigurinn við sýninguna, en að öðru leyti ber hún öll einkenni ómót aðs og leitandi listamanns.

Verk eftir Lars Emil