SETBERGSHVERFIÐ í Hafnarfirði hefur yfir sér nýlegt yfirbragð og víða er þar mjög gott útsýni niður með Læknum. Hjá fasteignasölunni Ási er nú til sölu fallegt einbýlishús á einni hæð við Ljósaberg 10. Húsið er steinhús og 166 ferm. að stærð með 41 ferm. bílskúr.
Gott einbýlishús í Setbergshverfi SETBERGSHVERFIÐ í Hafnarfirði hefur yfir sér nýlegt yfirbragð og víða er þar mjög gott útsýni niður með Læknum. Hjá fasteignasölunni Ási er nú til sölu fallegt einbýlishús á einni hæð við Ljósaberg 10. Húsið er steinhús og 166 ferm. að stærð með 41 ferm. bílskúr. Ásett verð er 14,9 millj. kr., en á húsinu hvíla um 4 millj. kr. í hagstæðum lánum. "Húsið er byggt úr forsteyptum einingum frá Húsasmiðjunni," sagði Kári Halldórsson hjá Ási. "Það skiptist í anddyri, þvottahús með útgangi út í garð, hol, stofu og borðstofu, eldhús með ágætri viðarinnréttingu, fimm svefnherbergi og baðherbergi. Þetta er því mjög rúmgott hús. Bílskúrinn er með stórri hurð, hita, rafmagni og heitu og köldu vatni og rúmar vel tvo bíla. Hann er einnig með gönguhurð út í garð. Lóðin er frágengin með gróðri og matjurtagarði, en eftir er að helluleggja bílaplanið. Að utan er húsið í góðu ástandi." Kári kvað talsverða eftirspurn vera fyrir hendi eftir húseignum í Setbergshverfinu. "Þetta hús er vel staðsett," sagði hann ennfremur. "Það er stutt í skóla og alla þjónustu." LJÓSABERG 10. Húsið er steinhús á einni hæð og 166 ferm. að stærð með 41 ferm. bílskúr. Ásett verð er 14,9 millj. kr., en húsið er til sölu hjá fasteignasölunni Ási.