MEST sótta kvikmyndin á Íslandi árið 1997 var Herra Bean eða "Mr. Bean" með Rowan Atkinson í titilhlutverkinu en alls voru seldir á hana 60.100 aðgöngumiðar. Hún er langvinsælasta mynd síðasta árs því næst á eftir henni og 10.

Bean

mest

sótta

myndin

'97 Það kennir margra grasa á lista yfir mest sóttu kvikmyndir á Íslandi á síðasta ári sem Arnaldur Indriðason hefur tekið saman en efst á honum trónir breski grínistinn Rowan Atkinson með sköpunarverk sitt, hrakfallabálkinn herra Bean MEST sótta kvikmyndin á Íslandi árið 1997 var Herra Bean eða "Mr. Bean" með Rowan Atkinson í titilhlutverkinu en alls voru seldir á hana 60.100 að göngumiðar. Hún er langvinsælasta mynd síðasta árs því næst á eftir henni og 10.000 miðum neðar kemur gamanmyndin Lygari lygari með Jim Carrey en Carrey er ákaflega vinsæll hér á landi og hefur átt mynd í efstu sætum metaðsóknarlistans mörg undanfarin ár; alls sáu 50.804 myndina hans. Í þriðja sæti er síðan geimspaugið Svartklæddu mennirnir eða "Men in Black" með Tommy Lee Jones og Will Smith en hana sáu 43.300 manns. Ein íslensk bíómynd er á listanum yfir mest sóttu myndir síðasta árs, Perlur og svín Óskars Jónassonar er í 19. sæti og sáu hana alls 21. 475. Vinsældir Beans má að nokkru skýra með því að hann er ágætlega vel kynntur hér á landi í gegnum fádæma vinsæla og skemmtilega gamanþætti sína í sjónvarpi. Bíómyndinni var greinilega stefnt á ameríkumarkað, Bean sem yfirleitt er þögull sem gröfin talaði heil ósköp, en það tókst að halda öllum öðrum eðlisþáttum hans óbrengluðum og myndin var fyrirtaks skemmtun. Atkinson hefur tekist að endurvekja látbragðskómedíur þögla skeiðsins með tiktúrunum í Bean, sem virkar eins og fimm ára krakki í líkama fullorðins manns. Brandararnir komu á færibandi og féllu greinilega í kramið. Jim Carrey er annar brandarakall sem Íslendingum geðjast vel að. Tæplega 51.000 manns sáu hann leika óforbetranlegan lygara eða öllu heldur mann sem vildi ljúga en var ekki fær um það. Carrey hefur alltaf notið sérstaklega mikilla vinsælda hér og það ætti engum að koma á óvart þótt mynd hans sé svo ofarlega á listanum. Það skiptir engu hverju hann leikur í, hann er alltaf metsöluefni hjá Íslendingum. Mynd þessi var sú þriðja vinsælasta í Bandaríkjunum á síðasta ári. Vinsælasta myndin vestra í fyrra var Svartklæddu mennirnir og hún var í þriðja sæti hér. Jones og Smith voru brattir agentar dularfullrar geimverustofnunar í Bandaríkjunum og áttust við útgeimskvikindi af ýmsu tagi, sem komið höfðu hingað til jarðar hulin hinum almenna borgara en mjög ljós agentunum Jones og Smith. Barry Sonnenfeld stýrði myndinni og heppnaðist að vekja áhuga almennings einkum með tölvubrellum en öflug markaðssókn spilaði líka inní. Gamall og mjög ástkær kunningi Íslendinga hafnaði í fjórða sæti listans þótt hann kæmi í bíóin mjög undir lok 1997 (hann er enn í fullum gangi). Alls sáu tæp 38.000 manns nýjustu Bondmyndina, "Tomorrow Never Dies" á síðustu vikum ársins. Var enda um hressilega Bondmynd að ræða sem sækir stórkostlega fjartæðukennt plott sitt aftur til gömlu, góðu Bondmynda Goldfingers og Blofelds. Fólk virðist sætta sig mjög vel við Brosnan í hlutverkinu og það er ekki að sjá annað en að Bond eigi enn langlífi fyrir höndum. Þriðja breska myndin á listanum yfir tíu best sóttu myndir síðasta árs er kannski óvæntasti smellurinn af þeim öllum. Með fullri reisn eða "The Full Monty" gerir út á góða hugmynd um verkamenn í Bretlandi sem sjá ekki aðra leið út úr atvinnuleysinu en að skemmta á kránum heima hjá sér með nektardansi. Hugmyndin gekk upp í skemmtilegri úrvinnslu með verulega góðum hópi leikara í hlutverki dansaranna. Með fullri reisn er ein af best heppnuðu myndum bresku bylgjunnar svokölluðu en hin síðari ár hafa ódýrar, breskar myndir vakið feikna athygli um heiminn. Hún sýnir að það þarf ekki 200 milljónir dollara til þess að búa til gott bíó. Alls sáu hana 34.300 manns hér á landi. Þegar bornir eru saman metsölulistarnir í Bandaríkjunum og á Íslandi kemur í ljós að þeir eru ekki svo mjög ólíkir fremur en vanalega. Fimm myndir eru sameiginlegar og ein af þeim er tryllirinn "Face/Off" eftir Hong Kong leikstjórann John Woo með John Travolta og Nicholas Cage í aðalhlutverkum (hinar myndirnar fjórar eru Lygarinn, MIB, Horfinn heimur og Brúðkaup besta vinar míns). "Face/Off" er í sjötta sæti íslenska listans (30.625) en í áttunda sæti á þeim bandaríska og er ein af betri spennumyndum síðasta árs með þeim Travolta og Cage í góðu formi að leika hvor annan ef svo má segja. Framhaldsmynd Steven Spielbergs, Júragarðurinn 2: Horfinn heimur, er í sjöunda sæti en hana sáu 29.300. Mjög var hún síðri frummyndinni enda fátt sem kemur á óvart í tölvuteikningum lengur; Spielberg reiddi sig algerlega á vinsældir hinnar myndarinnar því þótt framhaldið væri lélegt var Júragarðurinn 2 ein af myndum síðasta árs sem fólk taldi sig verða að sjá. Í áttunda sæti listans er dæmigerð amerísk hasarmynd nema þessi var með góðum leikarahópi. 27.817 sáu Fangaflugið eða "ConAir" og er það önnur mynd Cage á listanum en óskarsverðlaunaleikari þessi er orðinn með vinsælustu hasarmyndaleikurum samtímans. Annar mjög vinsæll leikari setti rómantíska gamanmynd í níunda sætið. Julia Roberts var sæt og indæl í Brúðkaupi besta vinar míns þótt breska leikaranum Rupert Everett tækist að stela senunni í hvert sinn sem hann birtist. Myndin var líka sæt og indæl kómedía og féll öllum í geð. Það gerði einnig teiknimyndin/leikna myndin "Space Jam", frumraun körfuboltasnillingsins Michael Jordans á kvikmyndasviðinu. Myndin blandaði ágætlega saman leiknum persónum og teiknuðum í körfuboltaleik og hafði sigur; alls sáu hana 26.620 manns. Í allt eru 33 myndir á listanum yfir vinsælustu myndir síðasta árs sem er nokkru fleira en var í fyrra (28 myndir). Hann er tekinn saman eftir upplýsingum frá kvikmyndahúsunum í Reykjavík og er aðsóknin sem myndirnar hafa fengið á landsbyggðinni tekin með. Á listanum eru allar myndir sem fengu 15.000 manns í aðsókn eða meira. ROWAN Atkinson sem herra Bean var vinsælastur í kvikmyndahúsunum á Íslandi á síðasta ári.

SMITH, Rip Torn og Jones í MIB, þriðju vinsælustu myndinni.

CAGE og Travolta í "Face/Off" en hana sáu rúm 30.000 manns.



CARREY í Lygaranum, alltaf vinsæll á Íslandi.

BROSNAN sem Bond í "Tomorrow Never Dies".