ÞEKKJANLEG eða óþekkjanleg andlit Jóns Axels Björnssonar verða m.a. á sýningu sem opnuð verður í Galleríi Sævars Karls í Bankastræti í dag, laugardag, kl. 14. Jón Axel Björnsson er fæddur 1956 og útskrifaðist frá MHÍ 1979. Hann hefur haldið fjölda einkasýninga á Íslandi og erlendis. Einnig sýnir Jón Axel einn skúlptúr, náttúrustemmningu og kolteikningar á striga.

12 andlitsmyndir

Jóns Axels

ÞEKKJANLEG eða óþekkjanleg andlit Jóns Axels Björnssonar verða m.a. á sýningu sem opnuð verður í Galleríi Sævars Karls í Bankastræti í dag, laugardag, kl. 14.

Jón Axel Björnsson er fæddur 1956 og útskrifaðist frá MHÍ 1979. Hann hefur haldið fjölda einkasýninga á Íslandi og erlendis.

Einnig sýnir Jón Axel einn skúlptúr, náttúrustemmningu og kolteikningar á striga. Verkin má skoða sem eina innísetningu eða mörg sjálfstæð verk. Upplifun og nálgun við verk Jóns virka oft á áhorfandann sem trúarleg skynjun, segir í fréttatilkynningu.

Ennfremur segir að trúarlegur og táknfræðilegur þáttur í listsköpun Jóns Axels verði sífellt meira áberandi. Þessa dagana má einnig sjá tvær myndir eftir Jón Axel á Listasafni Íslands, frá 1987, kol á pappír og stór, ný verk í anddyri Hallgrímskirkju.

Náttúrustemmning má sjá á sýningu Jóns Axels í Galleríi Sævars Karls.