NIÐURFELLING eða lækkun á kvótaálagi við útflutning á óunnum fiski eykur tekjur fiskiskipaflota Vetsmannaeyja um 75 milljónir króna á ári að mati Magnúsar Kristinssonar, útgerðarmanns.

NIÐURFELLING eða lækkun á kvótaálagi við útflutning á óunnum fiski eykur tekjur fiskiskipaflota Vetsmannaeyja um 75 milljónir króna á ári að mati Magnúsar Kristinssonar, útgerðarmanns. Magnús hafði stefnt sjávarútvegsráðherra, þar sem hann taldi álagið ekki standast lög, en eftir að Árni Mathiesen, sjávarútvegsráðherra, ákvað að breyta reglum um álagið, féll Magnús frá málshöfðun. Meginreglan verður nú sú, að ekkert kvótaálag leggst á útflutning á óunnum fiski, sé hann vigtaður hér á landi fyrir útflutning, annars verður álagið að lágmarki 10%. Árni Mathiesen, sjávarútvegsráðherra, kynnti breytingarnar á álaginu á aðalfundi LÍÚ í gær. Þá sagði hann meðal annars: "Nokkur vandi hefur verið varðandi eftirlit með útflutningi á óunnum fiski og ósamræmi í lögum, reglum eða framkvæmd á því á hvaða fisk álagið hefur komið. Án þess að skýra þetta nákvæmlega tel ég að við þessar breytingar komi betra samræmi á framkvæmd reglna. Þá er það einsýnt að eðlilegra er og tryggir betur að ekki sé farið í kringum reglur að álagið sé hið sama á allar fisktegundir."

NIÐURFELLING eða lækkun á kvótaálagi við útflutning á óunnum fiski eykur tekjur fiskiskipaflota Vetsmannaeyja um 75 milljónir króna á ári að mati Magnúsar Kristinssonar, útgerðarmanns. Magnús hafði stefnt sjávarútvegsráðherra, þar sem hann taldi álagið ekki standast lög, en eftir að Árni Mathiesen, sjávarútvegsráðherra, ákvað að breyta reglum um álagið, féll Magnús frá málshöfðun. Meginreglan verður nú sú, að ekkert kvótaálag leggst á útflutning á óunnum fiski, sé hann vigtaður hér á landi fyrir útflutning, annars verður álagið að lágmarki 10%. Árni Mathiesen, sjávarútvegsráðherra, kynnti breytingarnar á álaginu á aðalfundi LÍÚ í gær. Þá sagði hann meðal annars: "Nokkur vandi hefur verið varðandi eftirlit með útflutningi á óunnum fiski og ósamræmi í lögum, reglum eða framkvæmd á því á hvaða fisk álagið hefur komið. Án þess að skýra þetta nákvæmlega tel ég að við þessar breytingar komi betra samræmi á framkvæmd reglna. Þá er það einsýnt að eðlilegra er og tryggir betur að ekki sé farið í kringum reglur að álagið sé hið sama á allar fisktegundir."