Kristinn Snæland
Kristinn Snæland
Kristinn Snæland fæddist 24. 10. 1935 í Reykjavík. Hann lauk rafvirkjaprófi frá Iðnskólanum í Reykjavík árið 1955 og varð rafvirkjameistari 1958. Hann starfaði sem rafvirki og rafvirkjameistari í tuttugu ár.

Kristinn Snæland fæddist 24. 10. 1935 í Reykjavík. Hann lauk rafvirkjaprófi frá Iðnskólanum í Reykjavík árið 1955 og varð rafvirkjameistari 1958. Hann starfaði sem rafvirki og rafvirkjameistari í tuttugu ár. Síðan varð hann erindreki Framsóknarflokksins, næst sveitarstjóri á Flateyri, þá starfsmaður hjá Tímanum. Frá 1978 til 1985 var hann við sjómennsku og rútubílaakstur, eftir það skrifaði hann bókina Bílar á Íslandi í máli og myndum, 1904 til 1922, jafnframt því sem hann ók leigubíl en við það starfar hann í dag. Kristinn er kvæntur Jónu Jónsdóttur Snæland starfskonu hjá Melaskóla og eiga þau þrjú börn.

Kristinn Snæland fæddist 24. 10. 1935 í Reykjavík. Hann lauk rafvirkjaprófi frá Iðnskólanum í Reykjavík árið 1955 og varð rafvirkjameistari 1958. Hann starfaði sem rafvirki og rafvirkjameistari í tuttugu ár. Síðan varð hann erindreki Framsóknarflokksins, næst sveitarstjóri á Flateyri, þá starfsmaður hjá Tímanum. Frá 1978 til 1985 var hann við sjómennsku og rútubílaakstur, eftir það skrifaði hann bókina Bílar á Íslandi í máli og myndum, 1904 til 1922, jafnframt því sem hann ók leigubíl en við það starfar hann í dag. Kristinn er kvæntur Jónu Jónsdóttur Snæland starfskonu hjá Melaskóla og eiga þau þrjú börn.

Verið er að hefja söfnun á Íslandi til styrktar alnæmissjúkum börnum í Rúmeníu. Þessi söfnun á rætur í starfi Elísabetar Alm sem er sænskur lektor við Norræna húsið í Reykjavík, en kynni hennar af rúmensku hjálparstarfi fyrir alnæmisveik börn kallaði á sameiginlegt átak í þessum efnum. Kristinn Snæland er einn af þeim sem svaraði neyðarkalli sem Elísabet sendi út fyrir jólin 1999 til aðstoðar alnæmisveikum börnum í Rúmeníu. "Óskin var fyrst og fremst sú að fólk hér sendi börnunum jólagjafir og kæmi á bréfasambandi við þau, þar sem þau eru flest munaðarlaus," sagði Kristinn er hann var spurður um aðdraganda þess að hann beitir sér nú fyrir söfnunarstarfi fyrir umrædd börn í Rúmeníu.

"Forsaga þessa máls er sú að Elísabet Alm kynntist Mörtu Banulescu, sem er forseti hjálparstofnunar í Búkarest sem heitir Nicolae Balcescu, og varð þess áskynja að mikil þörf væri fyrir aðstoð við alnæmisveik börn í Rúmeníu og óskað væri eftir fjárstuðningi þeim til handa. Börnin hafa að vísu þak yfir höfuðið á vegum hjálparstofnunarinnar en lítið meira. Þau þarfnast nánast alls annars, svo sem fæðis og klæða og þess að fá stuðning til þess að létta sér aðeins upp. Börnin eru flest munaðarlaus svo enginn fer með þau eitt eða neitt nema Marta og stofnun hennar. Sem dæmi má nefna að í haust fór hún með tvo hópa í fjögurra daga ferð upp Karpatafjöll og voru 45 börn í hvorum hóp. Þessi ferðalög kostuðu samtals 1200 dollara. Óskir stofnunarinnar eru að eignast jafnvel bíl sem hægt væri að nota í þágu barnanna og lítið sumarhús uppi í fjöllum þangað sem þau gætu farið, enda eru börnin gjarnan óvelkomin á almenna gististaði vegna sjúkleika síns."

-Hvernig á að haga söfnun hér á landi?

"Mér varð ljóst að ég var ekki sá eini sem hafði fengið óskir um fjárstuðning og fékk því lista frá Mörtu yfir þá Íslendinga sem höfðu svarað hjálparbeiðninni. Þetta fólk var kallað saman á fund þar sem ákveðið var að opna reikning í Landsbankanum í Höfðabakka sem væri þannig skilyrtur að inn á hann væri hægt að leggja fé hér en ekki hægt að taka fé út af honum nema til að senda til Rúmeníu. Hugsunin á bak við þetta var að minnka kostnað við fjársendingar til Rúmeníu, því það kostar ámóta að senda litlar upphæðir og stórar. Hugmyndin er sú að þessi reikningur verði opinn fyrir fjárframlög til framtíðar og í hvert skipti sem komið sé inn á reikninginn fé sem nægi til að senda til Nicolae Balcescu stofnunarinnar í Rúmeníu þúsund dollara, þá verði það gert."

-Hvað er hópurinn stór sem að söfnuninni stendur?

"Við fengum um fimmtíu heimilisföng á listanum frá Rúmeníu en á bak við hvert heimilisfang eru gjarnan nokkrir aðilar. Við höfum stofnað til nefndar sem á að halda utan um þessi heimilisföng og reikninginn og köllum nefndina; Vinanefnd Balcescu. Vinanefndin mun síðan fylgjast með hvernig reikningnum líður og senda aðilum hópsins yfirlitsbréf öðru hverju um hvernig málin standa. Við teljum að þetta fyrirkomulag henti betur en að stofna formlegt félag um þetta hjálparstarf, en ekki síður viljum viðreyna að stuðla að persónulegum samskiptum í formi smásendinga við einstök alnæmissjúk börn í Rúmeníu. Þessi börn eiga engan að og það væri því mikil gleði því samfara hjá þeim að eiga vin á Íslandi."

-Hvað er þetta stór hópur sem Balcescu-stofnunin er að aðstoða?

"Stofnunin er með um tvö hundruð börn sem hún aðstoðar beint en tekur auk þess á móti hópum alnæmissjúkra barna sem koma í heimsókn annars staðar að af landinu. Um hundrað þessara barna eru í Búkarest en hin eru í nágrenni borgarinnar."

-Hvert er reikningsnúmerið í Landsbankanum sem hægt er að leggja inn á framlög til þessa aðstoðarstarfs?

"Reikningurinn er sparisjóðsbók; Vinir Balcescu heitir hún og kennitalan er 080881-3559 en reikningsnúmerið er 62550, banki 116, höfuðbók 05. Berta Björg Sæmundsdóttir er ábyrgðarmaður reikningsins. Fyrirmæli varðandi reikninginn eru skráð þessi: Að ekki megi taka út af reikningnum utan þá upphæð sem bankanum verði gert að senda til Nicolae Balcescu stofnunarinnar í Búkarest í Rúmeníu. Það er von okkar í Vinanefnd Balcescu að sem flestir sjái sér fært að leggja hinum munaðarlausu alnæmissjúku börnum í Rúmeníu lið með þessum hætti. Söfnunin er þegar hafin.