Í sögnum kemur stundum upp sú staða þar sem nauðsynlegt er að taka afgerandi ákvörðun - hrökkva eða stökkva. Norður tilheyrir þeim flokki spilara sem "stekkur". Suður gefur; allir á hættu.

Í sögnum kemur stundum upp sú staða þar sem nauðsynlegt er að taka afgerandi ákvörðun - hrökkva eða stökkva. Norður tilheyrir þeim flokki spilara sem "stekkur".

Suður gefur; allir á hættu.

Norður
♠ G852
♥Á6
♦ DG985
♣ K8
Suður
♠ÁD6
♥D53
♦ÁK104
♣Á72
Vestur Norður Austur Suður
- - - 1 tígull
Pass 1 spaði Pass 2 grönd
Pass 6 tíglar Allir pass

Með slíkan makker er mikilvægt að úrspilstæknin sé í góðu lagi. Hvernig á suður að spila með laufgosa út?

Eftir að hafa þakkað makker fyrir hans framlag, er ekki um annað að ræða en taka trompin (þau falla 2-2), og svína spaðadrottningu. Hún heldur.

Þá er næsta verk að hreinsa upp laufið og taka spaðaás:

Norður
♠ G852
♥ Á6
♦ DG985
♣ K8
Vestur Austur
♠1074 ♠K93
♥G984 ♥K1072
♦32 ♦76
♣G1094 ♣D653
Suður
♠ÁD6
♥D53
♦ÁK104
♣Á72

Ekki kemur kóngurinn annar, en það er enn vinningsvon. Austri er spilað inn á spaðakóng, og nú vill svo vel til að hann á líka hjartakónginn og getur valið á milli þess að spila frá honum eða laufi út í tvöfalda eyðu. Unnið spil.

"Þvílík ótrúleg heppnislega..."

Vestur gerði sig líklegan til að kveina, en norður þaggaði strax niður í honum:

"Þú fékkst þitt tækifæri í fyrsta slag. Hjarta út banar slemmunni."