Tiger Woods er engum líkur á golfvellinum.
Tiger Woods er engum líkur á golfvellinum.
Tiger Woods er aðeins 24 ára gamall og stuttur ferill hans er afar athyglisverður. Hér verður stiklað á helstu afrekum hans til þessa á litríkum ferli hans.
1975 Á næst síðasta degi ársins fæðist sonur Earl og Kultrick Woods og fær hann nafnið Eldrick. Gælunafnið "Tiger" festist þó snemma við drenginn.

1976 Aðeins hálfs árs gamall fer Tiger með Earl föður sínum á golfvöll og byrjar að sveifla golfkylfu í fyrsta sinn.

Sýndi listir sínar hjá Bob Hope

1977 Tiger kemur fram í sjónvarpsþætti hjá Bob Hope og sýnir listir sínar, aðeins tveggja ára gamall.

1978 Tiger leikur níu holur á 48 höggum! Þriggja ára gamall.

1980 Bandaríska golftímaritið Golf Digest skrifar ítarlega grein um fimm ára undrabarn í golfi.

Vinnur mót - átta ára

1982 Tiger vinnur sitt fyrsta alvöru golfmót, átta ára að aldri.

1986 Tiger endurtekur leikinn frá árinu 1982 og vinnur "Optimist International Junior Tournament" í annað sinn.

1987-1989 Sigurganga Tigers heldur áfram á Optimist International Junior Tournament.

1991 Tiger er valinn sem kylfingur ársins af golftímaritinu Golf Digest, sextán ára gamall.

1992 Í fyrsta sinn leikur Tiger sem gestur á atvinnumannamótinu Los Angeles Open.

1993 Tiger er boðið að taka þátt í þremur atvinnumannamótum sem gestur.

1994 Tiger byrjar sem námsmaður í Stanford háskólanum og vinnur tíu háskóla golfmót á tímabilinu 1995-1996. Sigrar á hinu stóra NCCA golfmóti háskólanema í Bandaríkjunum.

Gerist atvinnumaður

1996 Tiger gerist atvinnumaður í golfi eftir að hafa sigrað þrisvar sinnum í meistarakeppni áhugamanna eða US Open. Hann vinnur tvö mót á sínu fyrsta keppnistímabili og endar í 25. sæti á peningalistanum.

1997 Á öðru ári sínu sem atvinnumaður, vinnur Tiger sitt fyrsta stórmót, Masters keppninna, og verður efstur á lista bandarískra kylfinga yfir unnið verðlaunafé á árinu.

1998 Tiger sigrar á fjórum atvinnumannamótum og endar sem kylfingur númer fjögur á peningalistanum.

1999 Tiger vinnur í annað sinn stórmót, PGA-meistaramótið, og verður einnig fyrstur á átta öðrum mótum. Hann endar langefstur á peningalistanum með rúmar 520 milljónir í verðlaunafé.

2000 ?