BJARKI Gunnlaugsson tryggði Preston sigur á skoska 1. deildarliðinu Falkirk , 1:0, í æfingaleik í Skotlandi um helgina.
BJARKI Gunnlaugsson tryggði Preston sigur á skoska 1. deildarliðinu Falkirk , 1:0, í æfingaleik í Skotlandi um helgina. Bjarki lék á þrjá varnarmenn Falkirk áður en hann renndi boltanum framhjá markverðinum og í netið en hann þótti með bestu mönnum Preston í leiknum.

SIGURÐUR Ragnar Eyjólfsson skoraði eitt marka Walsall sem gerði jafntefli, 3:3, við Rochdale . Þetta var fyrsti leikur Walsall á undirbúningstímabilinu.

JÓHANNES Karl Guðjónsson og félagar í RKC Waalwijk frá Hollandi eru úr leik í Intertoto-keppninni eftir 0:1-ósigur á heimavelli gegn enska liðinu Bradford um helgina. Bradford vann fyrri leikinn 2:0 og mætir Zenit St. Petersburg í 3. umferð.