MIKILL fjöldi ferðafólks var á Akureyri um helgina og fór það alls ekki fram hjá starfsmönnum Sundlaugar Akureyrar.

MIKILL fjöldi ferðafólks var á Akureyri um helgina og fór það alls ekki fram hjá starfsmönnum Sundlaugar Akureyrar. Þar var allt troðfullt um helgina og á sunnudag var sölu í laugina hætt um tíma oftar en einu sinni meðan beðið var eftir að aðeins rýmkaðist í laugunum.

Þær upplýsingar fengust í afreiðslu sundlaugarinnar að biðröð hefði myndast strax á morgnana og í hitanum í gær var ekkert lát á straumi fólks í freistandi sundlaugarvatnið. Starfsfólk sundlaugarinnar taldi þetta tvímælalaust með bestu helgum sumarsins hvað varðaði aðsókn. Eða eins og ein úr afgreiðslunni orðaði það, "það var alveg brjálað að gera."